सरकारले शनिबार १७ जना सचिवको सरुवा गरेको छ। जुनसुकै समयमा पनि कर्मचारीलाई सरुवा गर्नका लागि सजिलो पार्न नियमावली नै संशोधन गरेको वर्तमान सरकारले लोकसेवा आयोगको स्वीकृतिबिना पनि निरन्तरता दिँदै आएकोमा एकै पटक यति ठूलो संख्यामा सचिवको सरुवा गरेको हो।
लोकसेवा आयोगको अपूणाताका कारण सचिव नियुक्त गर्न नसकेको सरकारले विगत डेढ वर्षेखि खाली रहँदै आएका सचिवविहीन निकायमा २० जनालाई कायममुकायम मर्ुकर्रर गरेको छ।
भर्खरै मात्र गृह मन्त्रालयबाट प्रधानमन्त्री तथा मन्त्रिपरिषद् कार्यालयमा सरुवा गरिएका उमेश मैनाली र प्रधानमन्त्री कार्यालयबाट सामान्य प्रशासन मन्त्रालयमा सरुवा गरिएका दीपेन्द्रविक्रम थापालाई क्रमशः वातावरण मन्त्रालय र शिक्षा मन्त्रालयमा सरुवा गरिएको छ।
मैनाली र थापासँगै सरुवा गरिएर गृह मन्त्रालयमा ल्याइएका डा. गोविन्द कुसुमलगायत सरकारले अहिले रहेका १९ जना सचिवमध्ये भूमिसुधार मन्त्रालय र जलस्रोत मन्त्रालयका सचिवको सरुवा गरेको छैन।
सरुवा गरिएका सचिवहरूमा जनकलाल जोशीलाई आपूर्ति मन्त्रँलयबाट राष्ट्रिय योजना आयोगमा, युवराज पाण्डेलाई सूचना तथा सञ्चार मन्त्रालयबाट श्रम तथा यातायात व्यवस्था मन्त्रालयमा र रामचन्द्रमान सिंहलाई प्रधानमन्त्री तथा मन्त्रिपरिषद् कार्यालयबाट पर्यटन मन्त्रालयमा सरुवा गरिएको छ।
यसै गरी पुण्यप्रसाद न्यौपानेलाई महिला, बालबालिका तथा समाजकल्याण मन्त्रालयबाट स्थानीय विकास मन्त्रालयमा, श्यामप्रसाद मैनालीलाई श्रम मन्त्रालयबाट युवा मन्त्रालयमा, बालानन्द पौडेललाई शिक्षा मन्त्रालयबाट सामान्य प्रशासन मन्त्रालयमा, लीलामणि पौडेललाई पर्यटन मन्त्रालयबाट सूचना तथा सञ्चार मन्त्रालयमा, शंकरप्रसाद पाण्डेलाई युवा मन्त्रालयबाट प्रधानमन्त्री तथा मन्त्रिपरिषद् कार्यालयमा, बिन्द्रा हाडालाई प्रधानमन्त्री तथा मन्त्रिपरिषद् कार्यालयबाट महिला, बालबालिका तथा समाजकल्याण मन्त्रालयमा सरुवा गरिएको छ।
त्यस्तै डा. उदयराज शर्मालाई नेपाल ट्रस्टको कार्यालयबाट वन तथा भूसंरक्षण मन्त्रालयमा, गंगादत्त अवस्थीलाई स्थानीय विकास मन्त्रालयबाट प्रधानमन्त्री तथा मन्त्रिपरिषद् कार्यालयमा, अनिन्द्रकुमार श्रेष्ठलाई पुनर्निर्माण मन्त्रालयबाट महालेखा नियन्त्रकको कार्यालयमा र राष्ट्रिय र्सतर्कता केन्द्रका छविराज पन्तलाई पुनर्निर्माण मन्त्रालयमा सरुवा गरिएको छ।
सहसचिवलाई कार्यकारी प्रमुखको जिम्मेवारी दिइँदै आएको काठमाडौं महानगरपालिकामा सचिवलाई जिम्मेवारी दिइने गरी नारायणगोपाल मलेगोलाई कामु सचिव बनाई सरुवा गरिएको छ। त्यस्तै राष्ट्रिय सूचना आयोग र सरकारले भर्खरै गठन गरेको प्रशासन सुधार आयोगमा पनि सचिवको जिम्मेवारी दिइने गरी कायममुकायम तोक्ने निर्णय गरिएको छ।
प्रधानमन्त्री निवास बालुवाटारमा बसेको मन्त्रिपरिषद् बैठकले सेना समायोजनका लागि काम गर्न विशेष समिति र सरकार सञ्चालनका लागि मार्गनिर्देश गर्न उच्चस्तरीय संयन्त्र निर्माण गर्ने बताइएको भए पनि त्यस विषयमा कुनै निर्णयगरिएन।

 नेकपा माओबादीले राष्ट्रिय सहमतिको सरकार बनाउन आफ्नो तर्फवाट खाका प्रस्तुत गरेको छ । पार्टी संसदीय दलको कार्यालय सिंहदरवारमा आज आयोजित २५ दलको वैठकमा माओवादीले ५ खण्डमा विभाजित खाका प्रस्तुत गरेको हो ।

जसमा विकास योजना, शान्ति प्रकृयालाइ निष्कर्षमा पुर्‍याउने, राहत दिने लगायतका विषय समावेश गरिएका छन् । वैठकमा सहभागी साना दलले माओवादीलाइ समर्थन गर्ने बताएपनि नेपाली कांग्रेसले भने खाकाप्रति असहमति जनाएको छ । कांग्रेस नेता अर्जुननरसिंह केसीले सो खाका आफ्नो दललाइ मान्य नभएको बताउनुभयो ।

नेकपा एमालेका नेता भीम रावलले भने यसवारे पार्टीभित्र छलफल गरेपछिमात्र औपचारिक धारणा बनाउने बताउनुभयो । माओवादीले सवै दललाइ यसवारे छलफल गर्न भनेको छ । दलहरुको आन्तरिक छलफलपछि पुनः २५ दलको वैठक वस्ने माओवादी प्रवक्ता कृष्णवहादुर महराले जानकारी दिनुभयो ।

संविधानसभाको अध्यक्षमा नेकपा एमालेका नेता सुभाषचन्द्र नेम्वाङ सर्वसम्मत रुपमा निर्वाचित हुनुभएको छ । आज बसेको संविधानसभाको बैठकमा जेष्ठ सदस्यको रुपमा अध्यक्षता गरिरहनु भएका कुलबहादुर गुरुङले नेम्वाङ सर्वसम्मत निर्वाचित हुनुभएको औपचारिक घोषणा गर्नुभएको हो ।

आजको बैठकमा नेम्वाङको प्रस्तावक विष्णु पौडेल र समर्थक विमलेन्द्र निधिले सहमतिका आधारमा सभाध्यक्ष चयन हुनु राम्रो संकेत भएको बताउनुभयो । चौध दलको सहमतिमा संविधानसभा अध्यक्षका लागि नेम्वाङको मात्र उम्मेदवारी परेपछि उहाँ सर्वसम्मत निर्वाचित हुनुभएको हो । नवनिर्वाचित सभाध्यक्षको सपथ भोलि एघार बजे राष्ट्रपति भवनमा हुनेछ ।

सभाध्यक्षको सपथ राष्ट्रपतिबाट हुने संवैधानिक व्यवस्था छ । सभाध्यक्षमा निर्वाचित भएपछि नेम्वाङले आफु सहमतिका साथ अगाडि बढ्ने र निर्धारित समयमा संविधान निर्माणमा जोड दिने बताउनुभयो । संविधानसभा अध्यक्षमा निर्वाचित नेम्वाङ यसअघि पुनःस्थापित प्रतिनिधि सभा तथा व्यवस्थापिका संसदको सभामुख हुनुहुन्थ्यो । उहाँ संविधानसभाको निर्वाचनमा इलाम क्षेत्र नम्बर दुइबाट नेकपा एमालेका तर्फबाट निर्वाचित हुनुभएको छ ।

 डा.रामवरण यादव राष्ट्रपतिमा निर्वाचित हुनुभएको छ । संविधानसभाको अध्यक्षता गरिहनुभएका जेष्ठ सदस्य केवि गुरुङले डा. रामवरण यादवले ३ सय ८ मत प्राप्त गरी नेपालको राष्ट्रपति निर्वाचित हुनुभएको घोषणा गर्नुभएको हो ।

डा. रामवरण यादव नेपालको प्रथम राष्ट्रपति निर्वाचित घोषणालगत्तै संविधानसभाको बैठकमा उहाँलाई नेकपा एमालेका महासचिव झलनाथ खनालले बधाई दिनुभयो । त्यसपछि नेपाली कांग्रेसका वरिष्ठ नेता शेरबहादुर देउवा र प्रकाशमान सिंहले पनि उहाँलाई बधाई दिनुभएको थियो ।

संविधानसभाको बैठक कक्षमा आ-आफ्नो स्थानबाट उठेर नेकपा माओवादीका अध्यक्ष प्रचण्ड र वरिष्ठ नेता डा. बाबुराम भट्टराईले पनि नव निर्वाचित राष्ट्रपतिलाई बधाई दिनुभएको थियो ।

प्रधानमन्त्री तथा नेपाली कांग्रेस सभापति गिरिजाप्रसाद कोइरालाले १२ बुँदे समझदारीदेखि शान्तिसम्झौता तथा अहिलेसम्म ल्याउने शक्तिलाई चिन्न माओवादीलाई आह्वान गरेका छन् । निकै लामो समयसम्म आमसभा सम्बोधन नगरेका कोइरालाले जेठ २६ गते राजधानी, शहीदमञ्चमा पार्टीले आयोजना गरेको सभालाई सम्बोधन गर्दै भने, ‘तपाईहरुलाई यहाँसम्म कसले ल्यायो भनेर म केही भन्दिन तर, चिन्नुभयो भने तपाईहरुलाई र मुलुकलाई पनि राम्रो हुन्छ ।’ माओवादी नेताहरुले कोइरालाई राष्ट्रपति स्विकार नगर्ने अडान राखिरहेको बेला आएको उनको यो भनाईलाई अर्थपूर्ण मानिएको छ ।

पानीको बर्षाबीच करिव पाँच मिनेट लामो सम्बोधन गरेका कोइरालाले सहमति र सहकार्यको बिकल्प मुलुकमा नरहेको दोहोर्‍याए । ‘संविधानसभामा कुनै पार्टीले जितेको छैन र कुनै पार्टीले हारेको छैन’ कोइरालाले भने, ‘संविधानसभाको चुनाव हुनु र गणतन्त्र घोषणा हुनु भनेको जनताको जित हो ।’ कार्यक्रममा कोइरालाले प्रजातन्त्र, मानवअधिकार र प्रेस स्वतन्त्रतामा कुनै शक्तिसँग कहिल्यै सम्झौता नगर्ने तथा लडिरहने पनि उल्लेख गरे । 

आज राजधानीस्थित बीरेन्द्र अन्तर्राष्ट्रिय सम्मेलन केन्द्रमा संबिधानसभाका सभासदहरुले सबैभन्दा ज्येष्ठ सभासद कुलबहादुर गुरुङबाट शपथ ग्रहण लिए ।

उमेरका हिसाबले ८४ बर्षिय प्रधानमन्त्री गिरिजाप्रसाद कोईराला सबैभन्दा ज्येष्ठ भएपनि उहाँले प्रधानमन्त्रीको कार्यभार सम्हालिरहनु भएकोले त्यसपछिका ज्येष्ठ सभासद ७३ बर्षिय गुरुङद्वारा शपथ ग्रहण गराईएको हो । यसअघि गुरुङले अन्य सभासदहरुसमक्ष आफुले शपथ ग्रहण लिनु भएको थियो ।

प्रमुख टेलिभिजन च्यानलहरुले उक्त शपथ ग्रहण कार्यक्रमको प्रत्यक्ष प्रसारण गरेका थिए । सहमति हुन बाँकी रहेको मनोनित २६ जना र निर्बाचन अदालतमा बिचाराधिन मुद्दा खेपिरहेका २ जना सभासदहरुको शपथ ग्रहण भने बाँकी रहेको छ । मनोनित हुने २६ जनाको शपथ ग्रहण भोलि हुने संबिधानसभाको पहिलो बैठक शुरु हुनु अगावै गराईने संसद सचिवालयले जनाएको छ ।

माओवादी वरिष्ठ नेता रामबहादुर थापा बादलले कांग्रेसका सात सर्त कांग्रेसकै लागि ‘साढे सातको दशा’ हुने बताएका छन् । सहमतिको सरकार बनाउन माओवादीसँग कांग्रेसले राखेको वाइसिएल विघटनलगायत सात सर्त माओवादीलाई अमान्य हुने नेता बादल बताए ।
‘कांग्रेसका सात सर्त कांग्रेसको लागि साढे सातको दशा हो,’ राजधानीमा आयोजत एक कार्यक्रममा बादलले भने, ‘हामी कामना गर्छौं, त्यसो नहोस् ।’ वाइसिएल विघटन होइन, विस्तार गर्ने योजना रहेको बादलले बताए । ‘हामीले दुई सय २० सिट जितेका छौं । सबै युवालाई वाइसिएल बताएर ६ सय एक सिट जित्न चाहन्छौं,’ नेता बादलले अन्य दललाई सुझाव दिए, ‘यदि तपाईंहरू पनि त्यस्तो चाहना राख्नुहुन्छ भने आफ्नो हारका कारण आफैंभित्र खोज्नुस् । हामीलाई दोष नदिनुस् ।’ बादलले वाइसिएलको भन्दा राम्रो काम गरेर देखाउन अन्य दलहरूलाई चुनौती पनि दिए ।
गिरिजाप्रसाद कोइरालासँग सरकारमा बसिरहने नैतिक र कानुनी दुवै हक नभएको दाबी गर्दै नेता बादलले जतिसक्दो चाँडो राजीनामा गरेर नयाँ सरकार गठनको बाटो खुला गर्न आग्रह गरे । आफूले नचाहेर पनि जनताले माओवादीकै नेतृत्वमा सरकार बन्नेमा जोड दिए ।
‘हामीले चाहेर पनि सरकारको नेतृत्व गर्ने जिम्मेवारीबाट हट्न मिल्दैन,’ बादलको तर्क थियो, ‘त्यसको गर्दा जनादेशको अपमान हुन्छ ।’ यसैगरी नेता बादलले गिरिजाप्रसाद कोइरालालाई माओवादी उदार भएर राष्ट्रपति माने पनि जनताले नमान्ने बताए । ‘हामीले त उदार भएर मानौंला तर जनताले मान्दैनन्,’

माओवादीले प्रधानमन्त्री गिरिजाप्रसाद कोइरालाको पदबाट औपचारिकरुपमा राजीनामा माग गर्ने निर्णय गरेको छ । राजधानीमा बसेको माओवादी सचिवालयको बैठकले आज हुने मन्त्री परिषद बैठक तथा आजै हुने पाँच दलको बैठकमा प्रधानमन्त्री कोइरालाको राजीनामा माग्ने निर्णय गरेको सचिवालय सदस्य सिपी गजुरेलले जानकारी दिए ।

गजुरेलका अनुसार, आफ्नो जनमुक्ति सेनाबाट मारिएका कोटेश्वरका ब्यवसायी रामहरि श्रेष्ठको हत्या प्रकरणबारे छानवीन गर्न माओवादीले आन्तरिक आयोग बनाएको छ । आयोगको संयोजकमा सचिवालय सदस्य पोष्टबहादुर बोगटी दिवाकर, सदस्यहरुमा केन्द्रीय सदस्य हितराज पाण्डे र एकराज भण्डारी रहेको गजुरेलले जानकारी दिए । श्रेष्ठ हत्या प्रकरणको छानवीन गर्न सरकारले उच्चस्तरी आयोग गठन गर्नुपर्ने प्रस्ताव आफ्ना मन्त्रीहरुबाट मन्त्री परिषदको बैठकमा लैजान लागिएको पनि गजुरेलले उल्लेख गरे । 

एमालेको आठौं महाधिवेशन आउँदो मंसिर १ देखि ५ सम्म काठमाडौंमा हुने भएको छ । एमालेका नवनियुक्त महासचिव झलनाथ खनालको अध्यक्षतामा जेठ ५ बसेको एमाले केन्द्रीय कमिटीको १९ औं बैठकले यो निर्णय गरेको हो । बैठकमा खनालले अहिलेको कार्यनीति, कार्यभार तथा कार्यबिभाजन नामको राजनीतिक प्रतिवेदन प्रस्तुत गरेका थिए । खनालको प्रतिवेदन पारित गरेर बैठक आजै सकिने सम्भावना रहेको श्रोतले बतायो ।

एमाले बैठकले केही महत्वपूर्ण कार्यबिभाजनसमेत गरेको छ । श्रोतका अनुसार, बैठकले एमालेको सचिवालय सचिवमा स्थायी समिति सदस्य युवराज ज्ञवाली, संसदीय बिभाग प्रमुखमा बिष्णु पैडेल,  प्रचार प्रमुखमा इश्वर पोखरेल, संगठन प्रमुखमा अमृतकुमार बोहोरा, बिदेश बिभाग प्रमुखमा माधवकुमार नेपाल, पार्टी स्कुल बिभाग प्रमुखमा केपी ओलीलाई चयन गरेको छ । यसैगरी, काठमाडौं उपत्यका इन्चार्जमा राजेन्द्र श्रेष्ठ, निर्वाचन समिक्षा कार्यदल प्रमुखमा अशोक राई, राज्य पुनर्संरचना कार्यदल प्रमुखमा बामदेव गौतम, आर्थिक सामाजिक रुपान्तरण कार्यदल प्रमुखमा केशव बडाल र संविधानसम्बन्धि कार्यदल प्रमुखमा भरतमोहन अधिकारीलाई बैठकले चयन गरेको श्रोतले बतायो । 

वैदेशिक रोजगारीका लागि मलेसिया गएका चारजना नेपाली विमानस्थलबाटै पक्राउ परेका छन् । उनीहरूलाई ७२ घन्टापछि जेल चलान गरिएको छ । पक्राउ पर्नेमा झापा शरणामती-६ का हेमराज पाण्डे, सुरुंगा-४ का इन्द्रप्रसाद उप्रेती, बुधबारेका रमेश राई र इलाम चिसापानीका लालबहादुर खाती छन् ।

 सेक्युरिटी गार्डका लागि उनीहरू १८ वैशाखमा मलेसिया पुगेका थिए । मासिक ३५ हजार तलब पाउने गरी उनीहरू चारैजनालाई झापाको विर्तामोडस्थित शारदा इम्प्लोइमेन्टस् कन्सल्टेन्सी प्र।लि.ले मलेसिया पठाएको परिवारजनले बताएका छन् ।

 मेनपावर कम्पनीका सञ्चालक नारायण शंकरले प्रतिव्यक्ति एक लाख ५० हजार रुपैयाँ लिएर उनीहरूलाई पठाएको पाण्डेका आफन्त बृहस्पति पाण्डेले बताए । मेनपावरको लापरबाहीले उनीहरू पक्राउ परेको उल्लेख गर्दै उनले भने, ‘अब कसरी छुटाउने हो, थाहा छैन ।’ नपावरमा कार्यरत कर्मचारी सुष्मा गिरीले एजेन्ट शोभित पाण्डेका कारण उनीहरू पक्राउ परेको बताइन् । पक्राउको कारण खुल्न सकेको छैन ।