आमा तिम्रो मुहारमा कोशी देख्न पाउँ

मेची देखि कालीसम्म दृश्य हेर्न पाउँ

कर्णाली र भेरी सेती तिम्रै हेर्न पाउँ

वागमती र विष्णुमती स्नान गर्न पाउँ

आमा तिम्रो मुहारमा हाँसो देख्न पाउँ

काखमा तिम्रा सपुतहरु वीरहरु पाउँ

चुरापोते सजिएको सृंगार हेर्न पाउँ

सपनीमा पनि तिम्रै सिउँदो हेर्न पाउँ

मुक्तिक्षेत्र देवघाट सधै वरिपरि

रहोस् तिम्रो मुहारमा चमक सधैभरि

डाँडा पाखा तर्राई देखि हिमालयक्षेत्र

लालिगुराँस वनै भरि सुखी मनै भित्र ।

आमा तिम्रो मुहारमा शान्ति देख्न पाउँ

अंग अंग सवैतिर कान्ति देख्न पाउँ

ज्योति त्रि्रा चन्द्र सूर्य दृश्य हेर्न पाउँ

आमा तिम्रो मुहारमा सुख देख्न पाउँ

तिम्रै छाती भित्र भित्रै रम्न सधै पाउँ

मन भित्र आँसु होइन हाँसो देख्न पाउँ

भोलि, पर्सी सधै भरि तिमीलाई हेर्न पाउँ

आमा तिम्रो मुहारमा संसार हेर्न पाउँ

आमा तिम्रै शिरविन्दीमा सगरमाथा पाउँ

तिम्रै आँचल सजाएर काखमा वस्न पाउँ

अमृतधारा पिउँदा पिउँदै अमर हुन पाउँ

अमृतधारा पिउँदा पिउँदै अमर हुन पाउँ

अमर हुन पाउँ, अमर हुन पाउँ ।

                           विश्व कविता दिवस २०६५ चैत्र ८

काठमाण्डौ । स्रष्टा अच्युत प्रसाद पौड्याल चिन्तनको संयोजकत्वमा मासिक अन्तक्रिर्या कार्यक्रम स्रस्टा एक सिर्जना अनेक विषयक साहित्यिक अन्तर्क्रिया कार्यक्रम सम्पन्न भएको छ । संचार समुहको सभाहलमा चक्रपरमंहंस योग सेवाका १००८ स्वामी बालकृष्णनन्दजीको प्रमुख आतिथ्य र प्रहरी सेवाका वरिष्ठ अधिकृत भीष्म प्रसाइको विबिष्ठ आतिथ्यतामा सम्पन्न कार्यक्रमको सभापतित्व अन्नग्रहण नगरी व्रत साधनामा रहेकी मातृशक्ती श्री विष्णुवाट भएको थियो ।

साहित्यकार प्रा.रामप्रसाद दाहाल, प्राकृतिक चिकित्सक डा. निर्मला कायस्थ, अभिनव साहित्य समाजका गोविन्द घिमिरे, स्रष्टा लुमडी आचार्य, माधव परियार,अरुण, विद्या घिमिरे, ललिता दोषी, गीता लामिछाने, निर्भिक राइ, रामवहादुर पहाडी,वावु त्रिपाठी, आर के एन खडेरी, आनन्दराम पोखरेल, व्रम्हप्रिय, प्रकाशमणि दाहाल लगायतका स्रस्टाहरुले आफ्नो रचना प्रस्तुत गर्नुभएको थियो ।

सो कार्यक्रमको समग्र समिक्षा विश्लेशक प्रा.डा. विष्णुहरि नेपालले गर्नुभएको थियो । स्वामी वालकृष्णानन्दजीले योग साधना र योग साहित्यका वारेमा प्रवचन प्रस्तुत गर्नु भएको थियो । कार्यक्रममा संयोजक पौड्यालले अध्यात्म चिन्तन र मानव जीवन वारे कार्यक्रम प्रस्तुत गर्नुभएको थियो । प्रत्येक महिनाको पहिलो शनिवार संचार समुहको सभाहलमा हुने उक्त कार्यक्रममा सवै स्रष्टाहरुलाइ आमन्त्रण गरिएको आयोजा पक्षले जनाएको छ ।

यसपालिको दशैं आंसु र हांसोको दशैं

नेताहरुको दशैं अमेरिकाको दशैं

हांसो नै हांसोको दशैं, यसपालिको दशैं

नेपालीहरुको छाप्रोमा भोटे ताल्चा लागेकोदशैं

यसपालिको दशैं आंसु नै आसुको दशैं

नयानोटको अभावको दशैं

जताततै बाटो जाम भएको दशैं

यसपालिको दशैं, ग्यांस नपाएको दशैं

चामलमा लाइन वसेको दशैं , आंसु नै आंसुको दशैं

कोशीले रुवाएको दशैं , रोसीले वगाएको दशैं

कैलाली डुवेको दशैं यसपालिको दशैं आंसुको दशैं

दोव्वर तलव हात पर्ने हल्लाको दशैं ,

दुइहजारको वृद्धिले आयकर ठिक्क भएको दशैं

यसपालिको दशैं , आंसुको दशैं

नयानेपालको हनुमानढोका रक्ताम्मे भएको दशैं

ववरमहलमा मोटरसाइकल ठोक्किएको दशैं

थापाथली मन्डलाको अनसनको दशैं

ठूल्दाइले जंगल खाजेको दशैं

सान्दाइले शहर रोजेको दशैं

अर्को दाजु प्रतिपक्षमा वसेको दशैं

अर्को दाजुले दिव्य उपदेश दिएको दशैं

लगत्तै दशैं पछि राज्यको उपस्थिति घोषणा हुने दशैं

यसपालिको दशैं

आयलनिगमले विकेन्द्रीकरण धानेको दशैं ,

विदाको मौका छोपी ग्यास वाडेको दशैं

ववरमहलको दशैं , विकेन्द्रीकरणको दशैं ,

यसपालिको दशैं , क्या राम्रो दशैं

नंयानेपालको दशैं विदेशसयरको दशैं

मन्दिरहरु रक्ताम्मे भएको दशैं नयानेपालको दशैं

स्याङजामा छोराले वावुलाइ मारहानेको दशैं

फुटपाथ पूरै वजार भएको दशैं

पैदलयात्रुहरुलाइ सास्तीको दशैं यसपालिको दशैं

धादिङको जोगीमारा रातो भएको दशैं

विदेशी पर्यटक हानेको दशैं यसपालिको दशैं

लुक्लामा डेर्ढदर्जन सिद्धिएको दशैं

यसपालिको दशैं आंसु वढी र हांसो कमको दशैं

यसपालिको दशैं यस्तो भो दशैं

 सन्चारसमूह नेपालको आयोजनामा मासिक अन्तरक्रिया कार्यक्रम स्रष्टा एक सिर्जना अनेक विषयक प्रवचन कार्यक्रम सम्पन्न भएको छ । कार्यक्रमका संयोजक अध्यात्म क्षेत्रका प्रखरवक्ता अच्युत प्रसाद पौडेल चिन्तनले पुरुषत्वको लक्षणवारे आठ वुंदे कार्यपत्र प्रस्तुत गरेका थिएभने डा. विष्णुहरि नेपाल, दामोदर गौतम एवं केशव चौलागाइंले कार्यपत्रमाथि समीक्षात्मक टिप्पणी गरेका थिए । सरकारका उच्चपदस्थ महेश्वर शर्मा पौडेलको प्रमुख आतिथ्यतामा भएको सो कार्यक्रममा वोल्दै योग साधना एवं भक्ति समपर्णवाट मानव जीवनमा सकारात्मक सोचाइमा वृद्धि भइ राष्ट्र रुपान्तरण कार्यमा सहयोग हुने वताएका थिए ।

मातृशक्ति विष्णु गौतमको सभापतित्वमा संचालित सो कार्यक्रममा शरदकालीन काव्य गोष्ठी अर्न्तर्गत स्रष्टा रामवहादुर पहाडी, विजयध्वज थापा, भाग्यशालि अधिकारी, दिपेन्द्र थापा, माधव परियार, सुविसुधा आचार्य आदि एक दर्जन वढि स्रष्टाहरुले आ-आफ्नो रचना वाचन गरेका थिए ।

हरेक महिनाको पहिलो शनिवार ११ वजे संचारसमूह नेपालको सभाकक्षमा साहित्यकार तथा वरिष्ठ संचारकर्मीअच्युत प्रसाद पौडेल चिन्तनको संयोजकत्वमा सम्पन्न हुने स्रष्टा एक सिर्जना अनेक विषयक कार्यक्रममा धर्म, संस्कृति, कला, सिर्जना, गायन आदि विषयवस्तुहरु प्रस्तुत गर्न सकिने व्यहोरा आयोजक पक्षले जनाएको छ ।

आकाश गड्याङ गुडुङ गर्दैथियो

कालाबादलहरु मडारिदैथिए

घनघोर वर्षा हुनथाल्यो

ओतलाग्न खोंजे

छाता ओड्न खोंजे

छाता त पारिनै छुटेछ

त्यसो त म अचेल घरमूलीनै भएकोछु ।

परिवारहरु चिच्याउन थाले

खै, छाता खै हं -

नडराउ नडराउ छाता छुटेकोमात्र हो पारि

म परिवारका नाममा सपथ लिन थाले

वारि पानी पर्यो पारि छाता छुट्यो

छाता वारि हुंदा म पारि हुन्थे

तैपनि तिमीहरुले विश्वास गरेकै थियौं

आजा छाता पारितिर रह्यो म वारितिरै रंहें

परिवारको धैर्य टुटेछ

सडकभरि पोखिएछन्, छताछुल्ल भएछन्

मेरो पुतला दहन हुनथालेछ

आखिर मेरै परिबारले विर्सेछन् मलाइ

म भन्दै थिंएं, तिमीहरु चिन्ता नगर

नडराउ है झरीले केही गर्दैन,

ओत लाग्ने ठाउं मैले देखेको छु

छाता पनि बलियो छ

पारि उघार्दा पनि

वारि ओतलाग्न सकिन्छ

पारि उघार्दा पनि

वारि ओतलाग्न सकिन्छ