इन्हुरेडद्धारा विस्फोटन र हत्याको निन्दा
रौतहट जिल्लाको चन्द्रनिगाहपुरस्थित महेन्द्र राजमार्ग नजिकको चौकमा तर्राई आर्मी र तर्राई राष्ट्रिय मुक्ति सेना नामक संगठनद्वारा तीन र्सबसाधरण -एक महिला र दुइ बालबालीकाको ज्यान जाने गरी गराइएको विस्फोटन र ततपश्चात उत्पन्न भएको तनावप्रति इन्हुरेड इन्टरनेशनलले गम्भिर ध्यानाकर्षा भएको जनाएको छ । इन्हुरेडका अनुसार उक्त घटनामा परी अनुसार पूर्व पश्चिम महेन्द्र राजमार्ग सडक खण्डको रौतहट जिल्लास्थित चन्द्रनिगाहपुर चौकको प्रतिक्षालयमा बस कुर्दै बसेकी २० बर्षीया महिला शीला सिँजाली उनको २ बर्षीया छोरी सृष्टि सिँजाली र अर्को दुइ वर्षीय बालक दिवस थापाको घटनास्थलमा नै मृत्यु भएको र विस्फोटनबाट चार र्सवसाधारण घाइते भएका छन । घटनापश्चात उत्पन्न तनावलाई नियन्त्रणमा लिन प्रहरीद्वारा चलाइएको गोलीबाट थप एक जना गम्भिर घाइते भएको समेत अध्यक्ष डा. गोपाल कृष्ण सिवाकोटीद्धारा जारी विज्ञप्तीमा जनाइएको छ । मानव अधिकारसम्बन्धी विश्वव्यापी घोषणा पत्र-१९४८, नागरिक तथा राजनीतिक अधिकारसम्बन्धी अभिसन्धि-१९६६ को धारा-६, अन्तर्राष्ट्रिय मानवीय कानुन तथा राष्ट्रिय कानुनको बर्खिलाप हुने गरी र्सार्वजनिक स्थलमा र्सवसाधरणको ज्यानजाने गरी गराइएको यस्तो अमानवीय र कायरतापूर्ण घटना जोसुकैले जुन सुकै उद्देश्यका लागि गराइएको भएता पनि इन्हुरेडले यसको घोर निन्दा एवं भ्रत्सना गरेको छ । जनताको शान्ति सुरक्षाको जिम्मेवारी सुनिश्चित गर्ने निकाय सरकार नै भएकाले यस्ता किसिमका घटना दोहोरिन नदिन र र्सवसाधारणको जीउ-धनको पूर्णरुपमा सुरक्षाको प्रत्याभूति दिलाउनका साथ उक्त घटनाको दोषी पत्ता लगाई यथाशक्य कानुनी कारवाही र पीडितलाई उचित क्षतिपूर्तिको व्यवस्था गर्न साथै तनाव नियन्त्रणको बहानामा जथाभावी शक्तिको प्रयोग नगर्न इन्हुरेडले सरकार समक्ष जोडदार माग गरेको छ । अन्तमाः तर्राईमा विभिन्न बहानामा सशस्त्रद्वन्द्वरत समुहहरुलाई मानव अधिकारप्रतिको आफ्नो दृष्टिकोण स्पष्ट पार्न र मानव अधिकार र मानवयि कानुनको सम्मान गर्दै भविष्यमा यस्ता निन्दनीय क्रियाकलाप नदोहर्याउन हामी आग्रह गर्दछौ । सबैखाले समस्या समाधानको केन्द्र विन्दु वार्ता नै भएको इन्हुरेड इन्टरनेशनलको मान्यतालाई पुनःस्मरण गराउदै वार्ताको माध्यमद्वारा समस्याको शान्तिपूर्ण निकास खोज्न सम्बन्धित सबैमा इन्हुरेडले विज्ञप्ती मार्फत आग्रह गरेको छ ।
