इण्डोनेसियाको राजधानी जकार्तास्थित दुई वटा लक्जरी होटलमा विष्फोट हुँदा कम्तिमा 9 जनाको मृत्यु भएको छ भने कयौं मानिस घाइते भएका छन्। 

प्रहरीकाअनुसार जर्कातास्थित रिन्ज काल्टनमा पहिलो विष्फोटन भएको थियो भने दोस्रो विष्फोट मेरियट होटलमा भएको थियो। विष्फोटन भएका होटल र वरपरका क्षेत्रबाट सयौं मानिसहरुलाई अन्यत्र सारिएको बताइएको छ। विष्फोटमा परि दर्जनौ मानिसहरु घाइते भएको र तिनीहरुको उपचार स्थानीय अस्पतालमा भइरहेको छ। घाइते हुनेहरुमा ठूलो संख्या विदेशी पर्यटकहरु पनि रहेको बताइएको छ। 

श्रीलंकाली विद्रोही समूह तलिम टाइगरले भारतीय सत्तासीन दल कांग्रेस आइकी अध्यक्ष सोनिया गान्धी तथा उनको परिवारका सदस्यमाथि आक्रमण गर्ने धम्की दिएको छ ।  आगामी महिनामा हुने आमनिर्वाचनकै अवधिमा गान्धी परिवारका सदस्यमाथि आक्रमण हुनसक्ने गुप्तचर स्रोतलाई उद्धृत गर्दै अर्धसरकारी समाचार एजेन्सी प्रेस ट्रस्ट अफ इन्डियाले जनाएको छ । सोनिया र उनका दुइ सन्तानमाथि आक्रमण हुनसक्ने आशंकामा गृह मन्त्रलायले एक साताअघिदेखि उनीहरुको सुरक्षामा थप सजकता अपनाउको एजेन्सीले जनाएको छ । सोनियाका पति राजीव गान्धीको सन् १९९१ मा निर्वाचन प्रचारप्रसारका क्रममा तमिलनाडु राज्यमा हत्या भएको थियो । उक्त हत्यामा पनि तमिल टाइगरको हात रहेको आरोप लगाएइएको छ । 

सोनिया, उनका छोरा राहुल तथा छोरी प्रियंकामाथि कस्तो किसिमको आक्रमण गरिन्छ भन्ने अझै स्पट नभएको गुप्तचर अधिकारीहरुले जानकारी दिएका छन् । उत्तरी श्रीलंकामा सरकारी सेनाले कारवाही जारी राख्दा भारत मौन रहेको आरोप लगाई तमिल टाइगर रुष्ट भएको आशंका छ । श्रीलंका सरकारले भने तमिल टाइगरमाथि विजय प्राप्त हुनै लागेको जनाएको छ । श्रीलंकाली सेनाले अन्तिम युद्ध सुरु गरेको जानकारी दिएको विद्रोह प्रभावित क्षेत्रमा थुनिएका करिब एक लाख सर्वसाधारणको अवस्थाप्रति राष्ट्रसंघले चिन्ता व्यक्त गरेको छ ।

सैगी, बेलायत र वर्नेमा भएका प्रदर्शनमा श्रीलंका सरकाले तुरुन्तै युद्धविराम गर्नुपर्ने माग गरिएको छ । यसका साथै प्रदशर्नकारीले बेलायतलाई आफ्नो पूर्वउपनिवेशन राष्ट्र श्रीलंकामाथि हस्तक्षेप गरेरै भए पनि जनधनको क्षति रोक्न आव्हान गरेका छन् ।  गुप्तचरको सुराकी प्राप्त हुनासाथ भारतीय प्रहरीलाई श्रीलंकासँग सीमा जोडिएका वा श्रीलंकाबाट नजिक पर्ने भारतका चारवटा राज्य तमिलनाडु, केरला, कर्नाटक र आन्ध्र प्रदेशमा सुरक्षा सावधानी बढाउन निर्देशन दिइएको छ ।

 भारतका प्रहरी प्रमुख केपी जैनले धम्कीलाई गम्भीर रुपमा लिइएको बताएका छन् । "हामीले बसे किसिमका सुरक्षा सावधानी अपनाएका छौं, उनले भने ।  दक्षिण भारतका तमिलनाडु लगयातका राज्इमा बसोबास गर्ने ६ करोड २० लाख तमिल जातिको श्रीलंकाली तमिलसँग नजकको सम्बन्ध छ ।

दुवैका संस्कृति तथा धर्म पनि मिल्छन् । यी दुइ क्षेत्रलाई सानो जलक्षेत्रले मात्र छुट्याएको छ । कांग्रेस आइले निर्वाचन परिणाम आफ्नो पक्षमा पार्न गान्धी परिवारका सदस्यलाई प्रचारप्रसारमा व्यापक रुपमा खटाएको छ । सोनिया गान्धीले बुधबार केरला राज्यमा आयोजित चुनावी सभालाई सम्वोधन गेकी थिइन् । यसैगरी, यही शनिवार सोनिया पुत्र राहुलले पनि दक्षिण भारतमा आयोजित चुनावी र्žयालीलाई सम्वोधन गर्ने कार्यक्रम छ । राहुल गान्धी कांग्रेस आइका महासचिव पनि हुन् ।

अमेरिकामा राष्ट्रपतिका लागि हिजो भएको निर्बाचनमा डेमोक्र्याटिक पार्टीका बाराक हुसेन ओबामाले अत्यधिक मत लिएर बिजयी भएका छन् । अमेरिकामा राष्ट्रपतिका लागि हिजो भएको निर्बाचनमा डेमोक्र्याटिक पार्टीका बाराक हुसेन ओबामाले अत्यधिक मत लिएर बिजयी भएका छन् ।

४४ औं राष्ट्रपतिकारुपमा निर्बाचित ओबामा अमेरिकाको इतिहासमा काला जातिका पहिलो राष्ट्रपति भएका छन् । उनका प्रतिद्वन्द्वि सत्तारुढ रिपब्लिकन पार्टीका जोन सिड्नी म्याक्केनले ओबामालाई बधाई दिईसकेका छन् । ४४ औं राष्ट्रपतिकारुपमा निर्बाचित ओबामा अमेरिकाको इतिहासमा काला जातिका पहिलो राष्ट्रपति भएका छन् । उनका प्रतिद्वन्द्वि सत्तारुढ रिपब्लिकन पार्टीका जोन सिड्नी म्याक्केनले ओबामालाई बधाई दिईसकेका छन् ।

अमेरिकाको इतिहांसमा पहिलो पटक प्रथम अमेरिकन अफ्रिकन राष्ट्रपती  ३३८ इलेक्ट्रोल भोट सहित ओबामाको ऐतिहांसिक विजय , जोन मेक्केनको १५५ इलेक्ट्रोल भोट, राष्ट्रपतिको चुनाव जित्न २७० इलेक्ट्रोल भोट आवश्यक, अमेरिका भर लाखौं लाख जनताले विजय उत्सव मनाउदै, विश्वभर उत्सुक्ता पुर्वक ओबामाको विजयी लाई हेरिदै .

इटालीका एक व्यक्तिले आफ्नी प्रेमिकालाई पाउन एक दिन र रातभर धर्ना बसेका छन् । तर यो धर्ना चाहिँ कुनै भगवानलाई खुशी पारेका कारण पाएका होइनन्, बरु नन बन्छु भनेर अन्तिम तयारी गरिरहेकी एक महिला आफ्नो प्रेमीको ब्रतबाट खुशी भएर चाहिँ पाएका हुन् ।

२१ वर्षीय ड्यानियल ब्रियाटोरलाई उनकी २१ वर्षीया प्रेमिका प्यात्रिजिया मासोरियोले दिल तोडिदिएकी थिइन् । बरु लोग्नेमान्छेसँग संगतै नगर्ने भन्दै नन हुन तीन सय माइल टाढाको चर्चमा पुगेकी थिइन् । तर उनका प्रेमीले चर्च बाहिर नै दिनभरि र रातभरि क्याम्प खडा गरिदिए । उनी बाहिर नआउञ्जेल आफू त्यो क्याम्प नढाल्ने चेतावनी पनि दिएको डेली पत्रिकाले जनाएको छ ।

इटालीको अलासियो शहरभन्दा ३ सय माइल टाढा गएर भए पनि प्रेमिकालाई फकाई ल्याउने दृढताका साथ उनी त्यतातिर लागेका थिए । यो स्थान रोमको दक्षिणी भागमा पर्दछ ।

यता प्रेमिका प्यात्रिजियाले केटालाई हेर्न समेत अस्वीकार गरेकी थिइन् । तर केटाले एउटा ब्यानर बोकेका थिए, जसमा लेखिएको थियो- "म तिमीलाई फिर्ता लैजान होइन, मात्र बोल्न चाहन्छु किनभने म तिमीलाई असाध्य माया गर्छु ।"

यो ब्यानर देखेपछि त्यहाँका ननहरुको कन्सिरी तातेको थियो र तिनीहरुले ड्यानियललाई त्यहाँबाट लखेट्ने खूप प्रयत्न गरेका थिए । तर अटेर गरेर ड्यानियल बसिरहे । उनको ब्यानर च्यात्तिए पनि जुनसुकै मूल्यमा आफू त्यहाँबाट नडग्ने बताएपछि उनको त्यो अभियानलाई त्यहाँका स्थानीय गाउँलेहरुले तिनलाई सहयोग गरेका थिए । ड्यानियलसँगै स्थानीय गाउँलेहरुले नाराबाजी शुरु गरेपछि भित्रभित्रै प्यात्रिजियालाई अर्कै कन्भेन्टमा पठाइएको थियो ।

यसरी नाराबाजी हुन थालेपछि टीभीको ओहिरो लागेको त्यहाँकी ननले पत्रिकालाई टेलिफोनबाट जानकारी गराइन् । यता रातभर आन्दोलन गरे पनि अझैसम्म प्रेमिका पाउने टुंगो नलागेको ड्यानियलले जानकारी गराएका छन् ।

स्वीडेनमा बस्दै आएकी बंगलादेशकी लेखिका तस्लिमा नसरिन भारत फर्किएकी छिन् । अधिकारीहरुले आगामी १२ अगस्टमा नसरिनको राहदानीको अवधि समाप्त हुन लागेको कारण राहदानी अवधि बढाउन उनी भारतको दिल्ली पुगेको बताएका छन् । स्वीडेनको नागरिकता लिइकसेकी नसरीन शुक्रबार राजधानी दिल्ली अवतरण गरेपछि उनलाई अज्ञात स्थलतर्फ लगिएको छ । गुप्तचर विभागका अधिकारीहरुले नसरिन भारतीय नागरिकताको लागि आवेदन दिन र कोलकाता जान इच्छुक रहेको बताएका छन् ।

 यद्यपि पश्चिम बंगाल सरकारले नसरिनको आगमनका कारण हिंसा भड्कने आशंकाले कोलकाता आगमनमा अनुमति नदिने संकेत देखाएको छ । भारतमा लुकेर बस्दै आएकी नसरिन गत मार्चमा स्विडेन पुगेकी थिइन । चिकित्सकबाट लेखिका बनेकी नसरिन बंगलादेशकी अग्रणी नारीवादी लेखिकाको रुपमा चर्चित छिन् ।

४६ वर्षीय नसरिन सन् १९९३ मा आफ्नो विवादस्पद पुस्तक लज्जाका कारण चर्चामा आएकी थिइन् । सो पुस्तकमा धार्मिक अपमान गरिएको आरोप लगाउँदै इस्लामी कट्टरवादीहरुले नसरिनविरुद्ध मृत्युदण्डको घोषणा गरेपछि सुरक्षाको निमित्त उनले आफ्नो देश छोड्नु परेको थियो ।

खेलकुदको कुम्भमेलाको रुपमा परिचित ओलम्पीक खेलको २९ औ संस्करण आज चिनको राजधानी बेइजिङमा सुरुहुँदै छ । खेलको उदघाटना नेपाली समय अनुसार साझ ५ बजेर ४५ मिनेटमा हुनेछ । विश्व भरका हजारौ खेलाडी बेइजिङ पुगि सकेका छन् । २८ खेल समेटिएको ओलम्पीकमा विश्व भरका १० हजार ५ सय ५ खेलाडी र २० हजार सञ्चारकर्मीको उपस्थिती रहने छ । खेलको उदघाटन समारोहमा २ सय राष्ट्रप्रमुखले सहभागिता जनाउदै छन् ।

ओलम्पीक खेल आयोजनाले शताब्दि भन्दा लामो यात्रा तय गरे पनि नेपालले ओलम्पीकमा सहभागिता जनाएको ४ दशक मात्र भएको छ । नेपालले सन् १९६४ पहिलो पटक ओलम्पीक खेलमा सहभागिता जनाएको थियो । १९६८को ओलम्पीक बाहेक सबैमा आफ्नो सहभागिता कायम राखेको छ । नेपाली टोलीले अहिले सम्म एथलेटिक्स,बक्सिङ, भारोत्तोलन,जुडो, सुटिङ,तेक्वान्दो र पौडीमा मात्र सहभागिता जनाएको छ । यस पटकको ओलम्पीकमा ६ खेलमा ८ नेपाली खेलाडी सहभागिको सहभागिता रहेको छ । ओलम्पीकमा अहिले सम्म सबै भन्दा बढि सहभागिता बैकुण्ठ मानन्धरले गरेका छन् । चिनको राजधानी बेइजिङमा हुन लागेको आलम्पीक खेलमा सहभागि हुन नेपाली ओलम्पीक टोली २० गते त्यस तर्फगएको हो । । नेपाली ओलम्पीक टोलीको नेतृत्व शिक्षा तथा खेलकुद मन्त्री प्रदिप नेपालले गर्नु भएको छ । यस पटकको ओलम्पीकमा विभिन्न खेलका सहभागिले कुल ९ सय ६ खेलमा पदकका लागि प्रतिस्पर्दा गर्दै छन् । आज देखि भदौ ८ गते सम्म बेइजिङमा ओलम्पीक संचालने हुने छ ।

एपोलो १४ का अन्तरिक्षयात्रीले पृथ्वीबाहिरका प्राणी -एलियन) ले सम्पर्क राखेको तर, यो कुरा ६० वर्षदेखि ढाकछोप गरिएको दाबी गरेका छन् । अपरिचित प्राणीहरूले मानवसँग कैयौंपटक सम्पर्क राखेको तरयो सत्यतालाई सरकारहरूले ६० वर्षदेखि लुकाइआएको चन्द्रमामा टेक्ने एपोलो-१४ का छैठौं अन्तरिक्षयात्रीको दाबी छ । अन्तरिक्ष्यात्री डा. एडगर मिचेलको भनाइअनुसार नासामा आफू कार्यरत रहँदा पृथ्वीबाहिरका धेरै अपरिचित उडान -युएफओ)ले पृथ्वीको भ्रमण गरेको आफूले थाहा पाएको तर प्रत्येक घटनाको ढाकछोप गरिएको थियो ।

७७ वषर्ीय डा. मिचेलले रेडियो अन्तर्वार्ताको दौरान बताएअनुसार अन्तरिक्ष संस्था -नासा) का एलियनसँग सम्पर्क रहेका सूत्रले उनीहरू ‘साना र हामीलाई अच्चम लाग्ने खालका मानिस भएको उनलाई बताएका थिए । उनीहरू हामीले काल्पनिक रूपमा सोचेको ‘इटी’ -एक्स्ट्रा टेरिटोरियल) जस्तै सानो आकार, ठूला आँखा र टाउका भएका थिए ।’ मिचेलको दाबीअनुसार हाम्रो प्रविधि उनीहरूको जस्तो परिष्कृत छैन । ‘उनीहरू शत्रुतापूर्ण भइदिएको भए हामी यतिन्जेलसम्म पृथ्वीबाट लोप भइसकेका हुने थियौँ,’ उनी चेतावनी दिँदै भन्छन् ।

डा. मिचेल र एपोलो-१४ का कमान्डर एलान सेर्फडले १९७१ मा चन्द्रमामा नौ घन्टा, १७ मिनेट हिँडेर अहिलेसम्म चन्द्रमामा धेरै हिँड्ने रेकर्ड राखेका छन् । ‘युएफओको अपूर्व घटना वास्तविक हो,’ मिचेल भन्छन्, ‘६० वर्षदेखि हाम्रा सबै सरकारले यसको ढाकछोप गरेका छन् । तर, बिस्तारै यो तथ्य चुहियो र हामी केहीले यसबारे थाहा पाउने सौभाग्य प्राप्त गर्‍यौँ ।’ मिचेल भन्छन्, ‘म सैनिक र गुप्तचर वृत्तमा थिएँ । हाम्रो धर्तीमा पृथ्वीबाहिरका प्राणीले भ्रमण गरेकोमा म विश्वस्त छु । हालसालका अखबार पढ्दा पनि यस्तो घटना भएको बुझिन्छ ।’ १९४७ मा न्यू मेक्सिकोको रोसवेलमा भएको युएफओ दुर्घटना वास्तविक भएको र अपरिचित प्राणीको भ्रमण सम्बन्धमा निरन्तर अनुसन्धान भइरहेको डा. मिचेलको दाबी छ ।

केराङ रेडियोका छक्क परेका कार्यक्रम सञ्चालक निक मार्गेरिसनलाई उनले भने, ‘बल्ल यी कुरा बाहिर आउँदैछन् । मेरो विचारमा हामी अब वास्तविक खुलासाको दिशातर्फ बढेका छौँ ।’ तर, नासाका अधिकारीहरूले मिचेलको यो दाबीको तत्काल खण्डन गरेका छन् । यससम्बन्धी विज्ञप्तिमा एक प्रवक्ताले भने, ‘नासाले युएफओ फेला पारेको छैन । यो ग्रहका वा ब्रह्माण्डका कुनै पनि ठाउँका अपरिचित प्राणीबारे कुनै प्रकारको ढाकछोप गर्नमा नासा सम्लग्न छैन ।’ ‘डा. मिचेल महान् अमेरिकी हुन् तर, हामी यो विषयमा उनीसँग सहमत छैनौँ,’ प्रवक्ताले भनेका छन् ।

आफ्नो चुनावी अभियानलाई तीब्रता दिँदै विदेश भ्रमणमा रहनुभएका अमेरिकी राष्ट्रपतिका डेमोक्र्याट उम्मेदवार बाराक ओवामाले इराकबाट अमेरिकी सेना कटौती हुने बताउनुभएको छ । हाल इराकको भ्रमण रहनुभएका ओवामाको भनाइ उद्धृत गर्दै वासिंटनमा सिनेटर अफिसद्वारा जारी वक्तव्यमा भनिएको छ-’इराकमा अमेरिकी सेना पुनः संगठित गर्ने बेला आएको र सन् २०१० मा इराकबाट सबै अमेरिकी सेना फर्कन सक्छ ।’ ओवामाले इराकमा रहेका अमेरिकी सेनाका कमाण्डरसँग समेत छलफल गरेको वक्तव्यमा जनाइएको छ ।

इराकी प्रधानमन्त्री नुरी अल मलिकीले सन् २०१० भित्र अमेरिकी सेना इराकबाट फर्काउने विषयमा ह्वाइट हाउसका डेमोक्र्याट दावेदार बाराक ओबामाले सहमति जनाएको बताएका छन् । इराककको दुइ दिने भ्रमणमा रहेका ओबामाले अमेरिकी सेनाको थप तैनाथी स्थानीय समस्यालाई आत्मसात गरेर फलदायी सावित हुनेछ भन्ने आफूले नठानेको स्पष्ट पारेका छन् । ओबामाका लागि यो नै रिपब्लिकन प्रतिद्वन्द्वी जोन मेक्केनसँगको मुख्य राजनीतिक बहसको विषय समेत बनेको छ ।

प्रेम पाउन उनी नाइट-क्लब धाइन् । अनलाइन डेटिङ साइड चाहरिन् । केही पार नलागेर ४२ वषर्या अमेरिकी महिलाले आफ्नो प्रेमसाथै चार बेडरुमसहितको घर बिक्रीमा राखेकी छिन् । साउथ फ्लोरिडाकी डेभेन ट्राबोसले प्रेम बिक्रीमा राखिएको विज्ञापन इबेमा पोस्ट गरेकी छिन् । ‘विज्ञापनको आइडिया मेरो दिमागमा आयो किनभने म प्रेमको खोजीमा छु र घर बेच्न चाहन्छु,’ आफ्नो दुई हजार स्क्वायरफिटको घरमा लेदरको हिल लगाएरमात्र पाइला सार्ने डेभेनले भनिन् । ‘अमेरिकामा हराएकी राजकुमारीलाई बिहे गर्नुस्,’ गत साता इबे र क्रगसलिस्टमा पोस्ट गरेको उनको विज्ञापनमा लेखिएको छ । आफ्नो प्रेम र घर किन्ने मानिसले जीवनभरको रोमान्स र घुमाइका साथै टेनिसकोर्ट, स्विमिङपुल भएको, गुम्जदार छाना भएको भर्खरै टायल फेरेको घर पाउने उनले लेखेकी छिन् ।

‘म संघर्षरत छु । घर पनि गुमाउन चाहन्नँ र प्रेम गर्ने कोही पाउन चाहन्छु,’ उनी भन्छिन् । ‘त्यसैले मैले ‘डि्रम-प्लान’ लिएर आएको छु किनभने म परिकथाकी राजकुमारी बन्ने सपना देख्थेँ,’ उनी भन्छिन् । उनले घरको मूल्य तीन लाख ४० हजार डलर राखेकी छिन् भने आफ्नो मूल्यसमेत जोडेर उनले पाँच लाख डलर राखेकी छिन् । इबेले आफ्नो विज्ञापन निकालिदिएको उनी बताउँछिन् । तर, विज्ञापकका शब्द पुनर्लेखन गरेर फेरि पोस्ट गर्ने उनले बताइन् । प्रतिबन्ध सेवा नीतिअन्तर्गत इबेले मानिसको बेचबिखन, शारीरिक अंगको बेचबिखन र सम्बन्ध बेचबिखन गर्ने विज्ञापनमा प्रतिबन्ध लगाउने प्रवक्ता क्याथेरिन इंग्ल्यान्डले शुक्रबार बताइन् । डेभेनले कुनै विशेष प्रस्तावसहितको इमेल नपाए पनि पाँच सय प्रतिक्रिया पाइसकेकी छिन् । इंग्ल्यान्डका ओटीले ‘तिमीले पूर्णजीवनसहित पूर्णअमेरिकी राजुकमारी प्रस्ताव गरेकी छौँ’ भन्ने इमेल पठाएका छन् ।

आफ्नो ल्यापटपमा भएको सुन्दर इटालियन पुरुष क्लोडियोको तस्बिर उनी देखाउँछिन् । क्लोडियोले डेभेनको विज्ञापनमा प्रतिक्रिया जनाएपछि दुईजनाको लामो समयदेखि इमेलमा कुराकानी भइरहेको छ । सोफामा बसेर क्लोडियोको तस्बिर हेर्दै उनी क्लोडियोलाई भेट्ने कल्पनामा डुब्छिन् । केही सातामा नै उनीहरूको भेट मायामीमा हँदैछ । उनकी २१ वषर्या छोरी हेली आमाले प्रेमी पाऊन् भन्ने चाहन्छिन् । तर, आमाको प्रेम खोज्ने प्रक्रियाबाट १४ वषर्या छोरी भने खुसी छैनन् । आमाको यो कदमले आफूलाई असजिलो पारेको उनी बताउँछिन् । एक इमेेलले त उनलाई आफंलाई बेच्न लागेको आरोप लगाएको छ ।

‘म आफूलाई बेच्दै छुइनँ । पवित्र प्रेम भेट्नका लागि प्रेममात्र बेच्दैछु,’ डेभेन भन्छिन्, ‘मलाई थाहा छ, यसका लागि धेरै ‘केमेस्ट्री’ र सम्बन्ध चाहिन्छ । यो होइन कि म तुरुन्त बिक्रीमा छु । यो पवित्र प्रेमका लागि प्याकेज प्रेम प्रस्ताव हो ।’ इन्टरनेटमार्फत् आफूलाई बेच्ने डेभेन पहिली भने होइनन् । यसअघि एक अस्ट्रेलियाली नागरिकले इन्टरनेटमा घर, काम र साथीभाइसहित आफ्नो जीवन लिलाम गर्ने विज्ञापन प्रेषित गरेका थिए । आफ्नो प्रस्तावलाई युरोपेली पुरुषले स्वीकारोस् भन्ने डेभेनको चाहना छ । विदेशमा बसाइँ-सराइ गर्ने उनको चाहना छ । ‘मलाई थाहा छ, मैले आफूलाई सार्वजनिकरूपमा प्रस्तुत गर्दैछु । म इमान्दार छु । म साँच्चो प्रेममा विश्वास गर्छु । फेरि बिहे गर्न चाहन्छु ।’

बेलायतका प्रधानमन्त्री गोर्डेन ब्राउनले मुलकुको सेनालाई थप सुविधा प्रदान गर्न सरकार प्रतिबद्ध रहेको बिहीबार बताएका छन् । वरिष्ठ सैनिक कमान्डर जनरल रिचर्ड ड्यान्ननाटले बेलायती सेना अरु बढी तलबभत्ता पाउन योग्य भएको प्रतिक्रिया सार्वजनिक गरेपछि प्रधानमन्त्री ब्राउनले सो कुरा बताएका हुन् ।

यसअघि जनरल स्टाफ प्रमुख ड्यन्नाटको भनाइ उद्धृत गर्दै द सन पत्रिकाले बेलायती सैनिकको तलब ज्यादै न्यून भएकाले केहीलाई खानसमेत धौधौ परेको भन्ने समाचार प्रकाशमा ल्याएको थियो । उनका अनुसार प्रारम्भिक अवस्थामा वार्षिक १२ हजार सात सय ७२ पाउन्ड पाउने सैनिकहरुको तलब ट्राफिक प्रहरीको भन्दा कम छ । ट्राफिक प्रहरीलाई तलबस्वरुप वाषिर्क १७ हजार पाउन्ड प्रदान गरिँदै आएको छ ।

प्रधानमन्त्री ब्राउनले गत वर्ष सबैभन्दा कनिष्ठ तहका सिपाहीको तलब नौ प्रतिशत वृद्धि गरिएको र बासस्थान, स्वास्थ्य हेरचाह र शिक्षाको सुधारका लागि छिट्टै नयाँ प्रस्ताव ल्याइने जानकारी दिए । ‘स्थल, जल र हवाईसेनाका सदस्यले बहादुरीका साथ पुर्याएको योगदानको कदर गर्न हामी सत्तामा रहुन्जेल आउँदा वर्षहरुमा सक्दो काम गर्न प्रतिबद्ध छौं,’ ब्राउनले भने । जनरल ड्यान्नाटले इराक, अफगानिस्तान र अन्य मिसनमा खटाइएका सैनिकहरुले आफ्नो जीवनलाई दाउमा राखेर सेवा गर्दै आएको बताए ।

‘अहिलेको असुरक्षित विश्वमा सेनाले दिएको योगदन वास्तवमै सराह्रनीय छ र राष्ट्रिय सम्पत्तिको केही हिस्सा उनीहरुको हितमा खर्च गर्नु उचित हुन्छ,’ ड्यन्नाटले भने,’सेनाले इराक, अफगानिस्तान र अन्य स्थानमा गरिरहेका कामलाई म सम्मान गर्छु । ’