"जसलाइ श्रुति र वेदहरु सवैले अनादि र अनन्त वताउंछन । नारद, शुकदेव र व्यासजस्ताले जति खोजेपनि पार पांउदैनन । त्यस्ता कृष्णलाइ ग्वाला युवतीहरुले ठेकीभरी मोहीकालागि नचाउछन ।"

आज कृष्णास्टमी । अर्थात विचित्रका भगवान श्रीकृष्ण जन्मेको दिन । धर्मले की त अनुशासन दिन्छ की त वन्धन । तर यस्तो जगतमा श्रीकृष्णमात्र यस्ता भगवान हुनुहुन्छ जसले जगतमा जीवन आनन्द र उत्सवका एक मात्र आशा हुनुहुन्छ । कृष्ण वाहेकका सबै अवतारी पुरुष या त व्रम्हचारी छन या त कठोर एक पत्नीव्रत । श्रीकृष्णका आठ मुख्य रानी र र्सया गोलेनीहरु पटरानी छन ।

गीताको दशौ अध्यायमा भगवान श्रीकृष्ण भन्नुहुन्छ अदितिहरुका पुत्रहरुमा म विष्णु हु, वेदहरुमा  सामवेद हुं, इन्द्रियहरुमा मन, वृक्षमा पिपल, देवर्षीहरुमा नारद र नदीहरुमा गंगा, देवताहरुमा कामदेव मै हुं । यस्ता अद्भुत कृष्णको जन्मको पावन अवसरमा तमाम विर्घा व्लगका पाठक शुभेच्छुकहरुमा हार्दीक मंगलमय शुभकामना । जीवन जीउने कला कृष्णवाट मिलोस भन्ने सदिक्षा सहित ।

 हिन्दुहरुको महान र पवित्र चाड जनै पूर्णीमा वुधवार मनाइयो । यस अवसरमा तागाधारी हिन्दुहरुले विहानै नदी तलाउ वा कुवामा गइ स्नान गरी पवित्ररुपमा मन्त्रणा गरिएको जनै तथा डोरो लगाउने गर्छन । हिन्दु वैदिक विधी अनुसार तयार पारिएको ६४ सरा भएको जनै लगाउनाले व्राम्हण कर्तव्य पुरा हुने पुराणहरुमा उल्लेख गरिएको छ ।

 "यनोवद्ध वलीराजा दानवेन्द्रो महावल तेनत्वाम प्रतिवदनामी रक्षामा चलमा चल" भन्ने मन्त्र उच्चारणगरी पन्डीत पुज्य नातेदारका हातवाट जनै तथा डोरो ग्रहण गर्ने प्रचलन रहेको छ । परापूर्वकालमा ऋषीमुनीहरुले पनि वैदिक विधी पुर्वक मन्त्रणा गरी जनै लगाउने गरेकाले ऋषीतर्पणी अर्थात जनै पूर्णीमा पर्व मनाउन लागिएको विश्वास गरिन्छ ।

 जनैपूर्णीमाको दिन  विहानै हिन्दु पुरुषहरुले जर्ने फेर्ने काम गरे। नेपालको तराइ भेगमा दाजुभाइको दीर्घायुको कामना गर्दै दिदीबहिनीले रक्षाबन्धन दाजुभाइलाई बांधिदिएका छन् भने पहाडमा जनै फेर्ने र रक्षाबन्धन बाध्ने काम गरिएको छ । रक्षाबन्धनको धागो बान्दा दैत्यराज बलीको दानसिलता र सत्यनिष्ठा स्मरण गराउने मन्त्रवाचन गरिन्छ ।

 तागाधारीहरुले यसै दिन पुरानो जनै फालेर मन्त्रसाधना गरिएको नयां जनै लगाउने चलन छ । उनीहरुबाट सप्तऋषि कश्यप, अत्री, भारद्वाज, गौतम, जमदग्नि, वरिष्ठ र विश्वामित्रसहित अरुणधतीलाई तर्पण दिने भएकाले यस पर्वलाई ऋषि तर्पणी पनि भनिन्छ ।