गएको हिंउदमा नवलपरासी जिल्ला लगायत देशकमा केही भागहरुमा तथ्यांक शंकलनकालागि मेरा पीएचडी गुरु डा. राजाराम सुवेदी र म गएका थियौ । नवलपरासी डेढगांउ नजिकैको मचेडी भन्ने ठांउमा स्थानीय शिक्षक शालिग्राम सरकोमा वास वसेपछि हामी केही पुराना जानकारहरुसंग भलाकुसारीमा लाग्यौ ।

यसै शिलशिलामा उंहा वाजेसंग भेट भएको थियो । करिव सय वर्ष अघि स्यागंजावाट वसाइ झरेका लामिछाने कुलका गुरुप्रसादल लामिछाने ज्योतिषका पनि विद्धान हुनुहुदो रहेछ ।

प्रस्तुत तस्विर गएको हिंउदको विहान उनै लामिछानेको घरको आगंनमा लिइएको हो । चेक सर्ट र ढाका टोपीमा मेरा गुरु डा. राजाराम सुवेदी झारफुकमा समेत पोख्त लामिछानेवाजेसंग कुरा गर्दै । ८५ वर्षीय लामिछाने वाजेका दर्जनौ छोरा नाति भएपनि यो एकवारको जुनिमा उंहा निकै सक्रिय हुनुहुन्छ ।हामी पुग्दा उंहाको घरको पिंढीमा झारफुक गर्न आएका विरामीको चहलपहल थियो । लामिछाने वाजेको दीर्घ जीवनको कामना गर्दै प्रस्तुत तस्वीर ।