काले जैसी, सांढेसाति शनी र मेरा पिताजी
<" alt="" border="0" />—[if gte mso 9]>
धेरैको भाग्य अजमाइदिने काले जैसी अव हाम्रासामु रहेनन । ८७ वर्षको जीवन भोगाइपछि गएको हप्ता काले जैसीले आफ्नै निवास निराम्सीलमा यस धर्तिवाट सधैकालागि आंखा चिम्ले ।
उनको खास नाम त के थियो कुन्नी यद्यपि पर्वतको पाडमा पढेको उनको ज्योतिष शिक्षाले विर्घा र यसका छिमेकी गांउहरुमा दर्हो प्रभाव जमाएको थियो । कालो वर्णका भएकाले नै काले जैसीको उपाधी पाएका यी ज्योतिषले मेरो जन्म पत्रिकापनि पटक पटक पल्टाएका छन । अझ मेरो चिना तयार गर्ने नै यिनै हुन ।
मेरा पिताजी भन्नुहुन्थ्यो वर्षको एक पटक काले जैसीलाइ चिना देखाउनु र ग्रहदशा कटाउनु भुल्नु हुदैन । मेरा पिताजी जानुभएकेा पनि दशौ वर्ष विति सकेकेा छ । यद्यपि मेरा पिताजीमा कालेजैसी प्रति ठूलो श्रद्धा थियो । उंहा स्वर्गे हुने वर्ष पटक पटक भन्नुहुन्थ्यो ख्वै यसपाला त जान्छु होला साढेसाति छ । कालेजैसीले पनि खड्को छ भनेका छन ।
नभन्दै मेरा पिताजीले त्यो वर्षको जाडोमा आंखा चिम्लिनु भयो । उंहा गएको धेरै वर्ष पछि काले जैसीलेपनि त्यही वाटो समाते । आखिर हामीपनि त त्यहीवाटो जानु छ । खैर यसै हप्ता स्वर्गे भएका तिनै काले जैसीप्रति श्रद्धान्जली स्वरुप ।