स्रष्टा अच्युत प्रसाद पौड्याल चिन्तनको संयोजन एवं सभापतित्वमा संचार समुहको सभाहलमा मासिक अन्तर्क्रिया कार्यक्रम एवं विशेष कवि गोष्ठी हालै सम्पन्न भएको छ ।
लेखक चित्रप्रसाद सुवेदीको प्रमुख आतिथ्यतामा संचालित उक्त काय्रक्रममा विशेष अतिथिका रुपमा स्रष्टा केशव चौलागांइ, दामोदर गौतम, धिरकुमार श्रेष्ठ र भुवनहरि सिग्देल हुनुहुन्थ्यो । स्रष्टा माधव परियार एवं पम्फा सापकोटाको गायनवाट शुरु भएको उक्त कार्यक्रममा अध्यात्म क्षेत्रका प्रखर वक्ता एवं संचारकर्मी अच्युत प्रसाद पौड्याल चिन्तनद्धारा मानव जीवनमा भक्तिको स्वरुप र यस अन्तर्गत वाचिक भक्ति सिर्जना र विद्या दान कलियुगको विशेष दानवारे कार्यपत्र प्रस्तुत गर्नु भएको थियो ।
स्रष्टा टोकराज पान्डेले सिर्जनाको समिक्षात्मक टिप्पणी र स्रष्टा सुविसुधा आचार्यले संचालन गर्नु भएको मासिक कार्यक्रमको छैठौ श्रृंखलामा स्रष्टा मुक्तिनाथ शर्मा, कलाधर काफ्ले,भाग्यशाली अधिकारी, शम्भुकुमार मिलन, र्सवज्ञराज पौड्याल, नारायण गोदारे, विजयध्वज थापा, माधव दाहाल, कौशला अधिकारी, लुमडी आचार्य, विद्या घिमिरे, अरुण खत्री नदी, कविता कार्की, भगवती पौड्याल, कुमार अलन, एलजी विवश, गोपिनाथ दाहाल, निर्मला रेग्मी, प्रमोद स्नेही, अनिल कोइराला, वालमुकुन्द कार्की आदि ३६ जना स्रष्टाहरुले समसामयीक विषयमा आआफ्नो रचना प्रस्तुत गर्नु भएको थियो ।
हरेक महिनाको पहिलो शनिवार ठिक ११ वजे वरिष्ठ साहित्यकार अच्युतप्रसाद पौड्याल चिन्तनको संयोजनमा संचारसमुह पुतली सडकमा शुरु हुने सो कार्यक्रममा सम्पूर्ण साहित्यानुरागी महानुभावलाइ सहभागी हुन आयोजकले अनुरोध गरेका छन ।