आर्थिक-मन्दीको स्पष्ट संकेत अमेरिकीको अनुहारमा झल्कन थालिसकेको छ । मन्दीका कारण रोजगारी गुमाएका अमेरिकी पुरुषले दार्‍ही पाल्न थालेका छन् । ‘यसलाई तपाइं अनुहारको स्वतन्त्रता भन्न सक्नुहुन्छ’- वाल स्टि्रट जनरलमा लेखिएको छ । पहिले चिरिच्याट्ट भएर बस्ने कर्पेरेट कार्यकालका पूर्व कर्मचारीको अनुहारमा दार्‍ही देखिन थालेको छ ।
‘यो बेरोजगारीले दिएको सानो सुविधा हो । यस बेला मानिसहरू दैनिक कामबाट मुक्त भएका छन्’- बिहीबार छापिएको लेखमा उल्लेख छ । जर्ज हेन्डरिक्सनले म्यानह्याटन हेच फन्डमा केही साताअगाडिदेखि रोजगारी गुमाए । काम छोडेको दिनदेखि उनले दार्‍ही काटेका छैनन् । ‘मैले लामो समयसम्म दार्‍ही काटेको छैन । काम गुमाएको सकारात्मक पामा पनि हेर्नुपर्छ । सकेको बेलामा मैले आफ्नो जीवनशैली परिवर्तन गरेको छु’- हेन्डरिक्सन भन्छन् ।
संयुक्तराज्य अमेरिकाका उपराष्ट्रपति अल गोरले २००० मा राष्ट्रपतिको चुनाव हारेपछि दार्‍ही पालेको उद्धृत गद लेखिएको छ- ‘यो एकदमै सुविधाजनक छ । यो संस्थापनाविरोधी पनि छ । उनले सिर्जनात्मक काममार्फत् यसले नोबल पुरस्कार विजेतासम्म पुर्‍यायो ।’
३५ वषीया अर्थविद् स्टक बर्जरले हेज फन्ड लरोस क्यापिटल म्यानेजमेन्टबाट काम छोडेपछि अक्टोबरदेखि नै दार्‍ही काट्न छोडे ।