अच्युतप्रसाद पौड्याल, चिन्तन

शरदको शारदीय छटालाइ म पूर्णाहति गर्दैथिएं,
सेता र अग्ला हिमालहरु मलाइ भन्दैथिए-
ओ पोखराबाट आइलभ् यू,
माछापुच्छ्रे, अनि अन्नपूर्णको विदेशी भाषा बुझ्नै सकिन,
तिनीहरु अंगालो मार्दै मलाइ फेरि भन्दैथिए-
ओ, पोखराबाट आइलभ् यू,
सराङकोटबाट सिर्सिर् हावा बहदैथियो-
मैतिर झोका दिंदै लट्ठारिदै थियो, भन्दै थियो-
ओ पोखराबाट आइलभ् यू,
तालबाराही मन्दिरवरिपरि परेवापरेवीहरुका जोडी थिए ,
म भने एक्लै थिंएं, तिनीहरु व्यङग्य गर्दैथिए,
ओ पोखरावाट आइलभ् यू,
फेवाको निलोतालमा म डुङगा खियाउंदै थिएं,
पल्लो डुङगामा रहेका कुइरेहरु हास्दै थिए र भन्दैथिए-
ओ पोखरावाट आइलभ् यू,
यसपालि महेन्द्रगुफातिर पस्नै भ्याइएन
सेती सुसेल्दै मलाइ भन्दै थिइ-
ओ पोखरावाट आइलभ् यू,
उता वेगनासवाट प्रेमको वेग उर्लिरहेको थियो,
बूढा ख्याउटे लेखनाथ जुरुक्कै उठेर भन्दैथिए,
ओ पोखरावाट आइलभ् यू,
हत्तपत्त विन्ध्यवासिनीले मलाइ विदा दिंदै भनिन्
छिटो छिटो राजधानी फर्केपनि

पोखरावाटै तिमीलाइ आइलभ् यू,
पोखरावाटै तिमीलाइ आइ लभ यू,

                २०६५ कार्तिक पोखरावाट