ट्राफिक समस्या पूर्णरुपमा समाधान हुने
काठमाडौंको फुटपाथ ब्यापार समस्या समाधानका लागि सरकारले बनाएको आयोगले प्रधानमन्त्री पुष्पकमल दाहाल प्रचण्डलाई प्रतिवेदन बुझाएको छ । आयोगका संयोजक काठमाडौं महानगरपालिकाका पूर्व मेयर केशव स्थापितले दुई साता लगाएर तयार पारेको प्रतिवेदन प्रधानमन्त्रीलाई उनको निवास बालुवाटारमा कार्तिक १३ गते भाईटिकाको दिन बुझाएका हुन् ।
आफ्नो प्रतिवेदन लागु भए काठमाडौंको ट्राफिक समस्या डेढ वर्षमा समाधान हुने तथा दुघंटना कम हुने स्थापितले दावी गरे ।
प्रधानमन्त्रीलाई प्रतिवेदन बुझाएपछि संचारकर्मीहरुसँग कुरा गर्दै स्थापितले प्रतिवेदनबाट प्रधानमन्त्री उत्साहित भएको उल्लेख गरे । आफ्नो प्रतिवेदनमा राजधानीको सौन्दर्य बढाउने उपाय देखाइएको पनि स्थापितले जानकारी दिए ।