उच्चस्तरीय राजनीतिक संयन्त्रमा नेपाल
सरकार संचालनका लागि गठन हुने उच्चस्तरीय राजनीतिक संयन्त्रमा नेकपा एमालेका वरिष्ठ नेता माधवकुमार नेपालको नाम प्रस्ताव गरिएको छ । ४ कात्तिकमा प्रधानमन्त्री समेत रहेका माओवादी अध्यक्ष प्रचण्डलाई एमाले महासचिव झलनाथ खनालले नेपालको नाम प्रस्ताव गरेका हुन् ।
नेपालको नाममा माओवादी सकारात्मक देखिएको छ । त्यसबारे सरकारमा सहभागी अन्य दलबीच पनि छलफल हुने बताइएको छ । संयन्त्र ५ कात्तिकमै गठन भई काम थालिने बुझिएको छ । दुइ दलका शिर्ष नेताबीच सेना समायोजनका विशेष समिति गठन गर्ने सहमति पनि भएको छ ।