अमेरिकी जनताले सोचेभन्दा धेरै गुणा बढी नेपालमा नेपाली जनता, अझ नेपाली राजनीतिमा पटक्कै चासो नभएकाहरू पनि नोभेम्बर ४ मा हुने अमेरिकी राष्ट्रपतिय नर्वाचनको व्यग्रताका साथ प्रतिक्षा गरिरहेका छन् । यो प्रतिक्षामा निर्वाचन जितेमा इतिहास बनाउने डेमोक्र्याट उम्मेदवार बाराक ओबामाको मुस्कानले काम गरेको छ भन्दा धेरैलाई रमाइलो लाग्ला । हुनसक्छ, तपाईलाई पनि आश्चर्य लागिरहेको छ । तर क्याफे पुस्ताहरू पनि ओबामाको भाषण गर्ने शैली, ओबामाको मुस्कान र उनी निकै ह्याण्डसम भएको चर्चा गर्छन् । नेपाली राजनीतिमा पोशाकको चर्चा नभए पनि नेपालीहरू अमेरिकी राष्ट्रपतिका उम्मेदवारको पोशाकबाट पनि प्रभावित छन् ।  अमेरिका बसोबास गरिरहेका नेपालीहरूले त बाराक ओबामाले जित्ने कुरामा आफुहरू निकै ढुक्क भएको बताएको नेपाली संचार माध्यमहरूले जनाएका छन् ।  

 हालैको एउटा दिनमा चर्को घामबाट शितलता पाउन नयाँ बानेश्वरको रोजमेरी क्याफेमा लस्सी पिइरहेका दुईवटी युवतीले बाराका ओबामालाई जिताउन अमेरिकामा भएको भए ‘फेक’ मतदान गर्ने हिम्मत गर्ने कुरा गरे । नोबल कलेजकी विद्यार्थी रेसा महर्जन बाराकको मुस्कानबाट  यति प्रभावित छिन् कि उनी ओबामालाई जिताउन ‘सानोतिनो’ अपराध गर्न पनि तयार छिन् । उनलाई ओबामाको चेप्टो दाँत खास मन पर्दैन तर मुस्कानमा दाँतको मात्र भुमिका हुँदैन रे !

 रेसाकी साथी एलिसा बस्नेतको भने अर्कै कारण छ, ओबामालाई मन पराउनमा । उनलाई लाग्छ, ओबामामा साच्चैको केहि गरौ भन्ने भावना छ रे जुन उनले महशुस गरेकी छिन् । नेपाली नेतामा त्यस्तो कोहि छ ? मेरो प्रश्न सुनेर एलिसा अलमलिइन ।  ’नेपाली नेताको ‘पर्सनालिटी’ नै छैन‘, यो जवाफ रेसाको हो ।

 नेपाली नेताहरू पोशाकका बारेमा सोच्दैनन् । बेढंगका पोशाक लगाउनुलाई यहाँका नेताहरू सर्वहारा भएको पनि गर्व गर्छन् । कसैले मिलाएर पोशाक लगाए भने पुँजीपतिको आरोप खेप्नु पर्ने हुन्छ । अनि यहाँ महंगा लुगा लगाउनु फ्यासन कन्सस हुनु हो भन्ने गलत सोचाइ छ । त्यसो त चुनाव ताका यहाँ पोशाकको बारेमा टिप्पणी गर्ने फुर्सद कसैलाई हुन्न । आजभोली हुनसक्छ, पश्चिमा मुलुकको प्रभावले फाट्फुट् लेख नेताका पोशाक सम्बन्धमा आउने गर्छन् । यसबाहेक नेपाली राजनितीमा व्यक्तित्व र पोशाकले खासै महत्व राख्दैन । तर यो कुराले नेपाली युवा पुस्तालाई प्रभावित गरेको रहेछ भन्ने कुरा यी दुई युवतीका कुराले संकेत गर्छ ।

नेपाली छापाले नबिराइकन बाराक ओबामाका राम्रा पक्षको बारेमा चर्चा गरेका छन् । अझ भन्ने हो भने मेक्केनका नराम्रा समाचार पनि प्राथमिकताका साथ छापिएका छन् । मेक्केनलाई नेपाली छापाले घमण्डी, बुढो उम्मेदवारको रूपमा परिभाषित गरेको छ । नेपाल सरकारको कुनै स्पष्ट निति नभएपनि नेपाली जनता भने चाहे इराक होस या अन्य कुनै मुलुक, चाहे अमेरिकाले होस चाहे बेलायतले कसैले कुनै बहानामा आक्रमण नगरोस भन्ने चाहन्छन् । नेपाली जनताले ओबामाले इराक र अफगानिस्तानमा बमबारीका घटनाको अन्त्य गर्नेछन् जुन बुस प्रशासनको ठ्याक्कै कपी गर्ने मेक्केनले गर्दैनन् भन्ने बुझाइ राख्छन् । तर बाराकले इराकबाट सेना फिर्ता गर्ने भने पनि अफगानिस्तान वा पाकिस्तानमा थप सेना परिचालन वा आक्रमण गर्ने कुरा गरिसकेका छन् । ओबामाको विजयले सम्पुर्ण रूपमा युद्धको अन्त्य भन्ने होइन ।

 ओबामा मेक्केन भन्दा अगाडी छन् सर्वेक्षणहरूमा । बाराकलाई जोन एफ केनेडीसँग तुलना गर्नेहरू पनि छन् । उनले परिवर्तनको नारालाई यसरी ब्याख्या गरेका छन् कि सबै उमेर समुहलाई उनले प्रभावित पारेका छन् । रोजमेरी क्याफेका यि दुई युवतीलाई यी कुरादेखि खास सरोकार छैन । उनीहरू जसरी पनि ओबामाले जित्नुपर्छ भन्ने ठान्छन् किनकी ओबामा जवान् छन् । मेरो एउटा ताइवानी साथीले मलाई सोध्यो, ‘तिमी किन मेक्केनलाई समर्थन गर्दैनौ?’  यसको मतलव ऊ जान्दथ्यो कि मेरो समर्थन ओबामालाई छ । ‘सायद मेक्केन बुढो भएकाले!‘यो मेरो ठट्टा थियो तर ओबामा जवान हुनु मात्र म उनको समर्थक हुनाको कारण होइन, तर ओबामा जवान हुनु पनि एउटा कारण हो । नेपाली राजनीतिमा पनि बुढाहरूको हावी हुनुले पनि कहिँ कतै विकासको बाटो छेकेको आभाष हुन्छ । 

 रिपब्लिकन उप-राष्ट्रपति उम्मेदवार सराह पेलिन पनि नेपाली क्याफे पुस्तामा चर्चाको बिषय बनेकी छिन् । पाँचवटा बच्चाकी आमा भएर पनि कस्ति जवान ! पेलिनको बारेमा भएका टिप्पणी उनको राजनीतिक बिचार भन्दा पनि उनको फेसनसँग सम्बन्धित छन् जुन अहिले विश्वका सम्पुर्ण संचार माध्यमहरूले गरिरहेका छन् । पेलिनले ग्ल्यामरका लागि खर्च गरेको १ लाख ५० हजार अमेरिकी डलरको खबर पनि रेसा र एलिसाले थाहा पाइसकेका छन् । जबकी नेपालको एक प्रमुख साप्ताहिकले ‘सुजाता कोइरालाको युवराज्ञी सपिङ’ का बारेमा कभर स्टोरी नै गरेको थियो,  त्यसको बारेमा उनीहरूलाई अत्तोपत्तो छैन। पंक्तिकारले जानाकरी दिदा दुबैले जिब्रो टोके र भने, ‘को हो सुजाता कोइराला?’

अनि चाहिँ मैले जिब्रो टोके ।दुबै केटीहरू अमेरिका जान चाहन्छन् र ओबामाले आप्रवासीका लागि लचिलो निती ल्याउने कुरामा उनीहरू ढुक्क छन् । यो पो रहेछ, बाराकको लोकप्रियताको कारण?

मेरो प्रश्नमा दुबै ठिटीले अप्ठेरो माने तर ५० % भन्दै आफ्नो बचाउ पनि गरे । जेहोस्, ओबामा कालो हुनुले नेपालीलाई केहि असर गर्दैन । उनी दिलवाला छन् र अमेरिको ‘एरोगेन्ट’ छवीलाई उनको वीजयले सुधार गर्नेछ भन्ने नेपालीको आशा छ । सायद यी दुईवटी केटीको पनि ! मेरो पनि !

चुनावको मिती निकै नजिक आइपुग्दा प्रमुख राज्यहरूमा अमेरिकी राष्ट्रपतिय उम्मेदवारहरूले आफ्नो चुनावी प्रचार अभियानलाई तिव्रता दिएका छन् । रिपब्लिकन उम्मेदवार जोन मेक्केनले एक महत्वपुर्ण राज्य ओहाइयोमा र्याली गरेका छन् भने उनका प्रतिद्वन्द्धी डेमोक्र्याट उम्मेदवार बाराक ओबामाले फ्लोरिडा, भर्जिनिया र मसुरीमा र्याली गरेका छन् ।

 निर्वाचनका लागि पाँच दिन बाँकी रहँदा राष्ट्रपतिको सिट सुरक्षित गर्न आवश्यक मतका लागि प्रमुख राज्यहरूमा गरिएको चुनावी अभियान लक्षित छ । अभियानमा दुबै नेताहरूले कुनै कसर बाँकी राखेका छैनन् । अमेरिकाको बाणिज्य विभागले आफ्नो तिन महिने आर्थिक प्रतिवेदनमा ०.३ प्रतिशतले आर्थिक वृद्धीदरमा ह्रास आएको उल्लेख गरेपछि दुबै उम्मेदवारहरू आर्थिक मुद्दामा केन्द्रित भएका छन् । सन् २००१ पछिको यो सबैभन्दा खराब वृद्धीदर हो ।

 फ्लोरिडाको सारासोतामा भएको र्यालीमा ओबामाले आर्थिक वृद्धिदरमा ह्रास आउनु भनेको मेक्केन र राष्ट्रपति जर्ज डब्ल्यू बुसको निती असफल हुनु हो भने । ‘”यदि तपाइहरू मेक्केनले अर्थतन्त्रलाई कहाँ लैजान्छन् भनेर हेर्ने चाहनुहुन्छ भने अहिले अवश्ता ऐना जत्तिकै छर्लंग छ”, उनले भने । मेक्केनले सन् २००५मा ओबामाले तेल कम्पनीहरूलाई कर कटौती गर्ने एउटा विधयेकमा मतदान गरेको सम्मरण गर्दै अर्थतन्त्रमा आएको ह्रासको कारण ओबामा भएको आरोप लगाए । “सिनेटर ओबामले धनी व्यापारीहरूले कर नतिर्नु पर्ने कानुनको पक्षमा म गरेका थिए तर मैले त्यसको विरूद्धमा गरको थिए”,उनले ओहाइयोमा आफ्ना समर्थकहरूलाई सम्बोधन गर्दै भने । सन् १९६० देखि अहिलेसम्म कुनै पनि राष्ट्रपतिले ओहाइयो नजितीकन निर्वाचन जितेका छैनन् ।

रमाइलो के छ भने ओबामा यस क्षेत्रमा मेक्केनभन्दा अगाडी देखिएका छन् जबकी सन् २००४मा वर्तमान राष्ट्रपति बुसले यहाँ जितेका थिए । ताजा सर्वेक्षणमा पनि ओबामाले रिपब्लिकन पार्टीले विजय हासिल गरेको ठाउँमा समेत आफ्नो अग्रता कायमै राखेका छन् ।

काठमाडौंको फुटपाथ ब्यापार समस्या समाधानका लागि सरकारले बनाएको आयोगले प्रधानमन्त्री पुष्पकमल दाहाल प्रचण्डलाई प्रतिवेदन बुझाएको छ । आयोगका संयोजक काठमाडौं महानगरपालिकाका पूर्व मेयर केशव स्थापितले दुई साता लगाएर तयार पारेको प्रतिवेदन प्रधानमन्त्रीलाई उनको निवास बालुवाटारमा कार्तिक १३ गते भाईटिकाको दिन बुझाएका हुन् ।

आफ्नो प्रतिवेदन लागु भए काठमाडौंको ट्राफिक समस्या डेढ वर्षमा समाधान हुने तथा दुघंटना कम हुने स्थापितले दावी गरे ।
प्रधानमन्त्रीलाई प्रतिवेदन बुझाएपछि संचारकर्मीहरुसँग कुरा गर्दै स्थापितले प्रतिवेदनबाट प्रधानमन्त्री उत्साहित भएको उल्लेख गरे । आफ्नो प्रतिवेदनमा राजधानीको सौन्दर्य बढाउने उपाय देखाइएको पनि स्थापितले जानकारी दिए ।

संयुक्त राष्ट्रसंघका महासचिव बानकी मुन आज नेपाल आउँदै हुनुहुन्छ । दुइदिने भ्रमणका सिलसिलामा राष्ट्रसंघका महासचिव बान आज साँझ काठमाण्डु आइपुग्नुहुनेछ । नेपाल बसाइका क्रममा महासचिव बानले नेपालको उच्च् राजनितिक नेतृत्वसँग भेटवार्ता गर्नुहुनेछ भने संविधान सभालाई पनि सम्वोधन गर्न्हुनेछ । उहाँले माओवादी सेनाका शिविरहरुको निरिक्षण गर्नुका साथै लुम्बिनी क्षेत्रको भ्रमण अवलोकन गर्नुहुनेछ । एशियाली चार राष्ट्रको भ्रमणको क्रममा आउनुभएका महासचिव बान भारतको भ्रमण सकेर आज नेपाल आउन लाग्नुभएको हो ।
नेपाल बसाइको क्रममा महासचिव बानले राष्ट्रपति डाक्टर रामवरण यादव, प्रधामन्त्री प्रचण्ड, सभाअध्यक्ष सुवासचन्द्र नेम्वाङलगायतका नेताहरुलाई भेट्ने कार्यक्रम रहेको छ । प्रधानमन्त्री प्रचण्ड र महासचिव बान विच आजै अपरान्ह भेटवार्ता हुनेछ । सिंहदरमा हुने तय गरिएको भेटवार्तामा माओवादी जनसेनाको समायोजन, नेपालमा राष्ट्रसंघको भूमिका र अवधिका वारेमा छलफल हुनेछ ।
आजै प्रधानमन्त्री प्रचण्डले याक एण्ड एति होटेलमा आयोजना गर्ने रात्री भोजमा महासचिव बान सहभागी हुनुहुनेछ भने भोली बिहानबाट राजनितिक भेटघाट शुरु गर्नुहुनेछ । भोली बिहान उहाँले ८ बजे राष्ट्रपति डाक्टर रामबरण यादव, ९ बजे कांग्रेस सभापति तथा पूव प्रधानमन्त्री गिरिजाप्रसाद कोइराला १० बजे सभाध्यक्ष सुवास नेम्वाङसँग भेटवार्ता हुनेछ । उहाँले भोली नै संविधान सभाको वैठकलाई सम्वोधन गर्ने कार्यक्रम पनि तय गरिएकोछ छ ।
सबै भेटवार्तामा अनमिनका क्रियाकलापहरूको बारेमा जानकारी लिनुहुने नेपालमा रहेको संयुक्त राष्ट्रसंघीय कार्यालयले जनाएको छ । भोली बिहान साडे १० बजे पत्रकार सम्मेलन पछि लुम्बीनी अवोलोकन भ्रमणमा जाने कार्यक्रम तय गरिएको छ । लुम्बुनिको भ्रमणपछि उहाँले भोली माउन्टेन उडान मार्फ सगरमाथाको अवलोकन गर्ने र भोली नै बंगलादेश भ्रमणमा जाने नेपालमा रहेको राष्ट्रसंघीय कार्यालयले जनाएको छ ।

भाइटीकाको साइत

नेपाल ज्योतिष परिषद्को आइतबार बसेको बैठकले यस पटक भाइटीकाको साइत २०६५ साल कात्तिक १४ गते बिहीबार दिनको ११:४५ बजेदेखि ११:५५ बजेभित्र सर्वोत्तम भएको ठहर गरेको छ।

उक्त समयमा धनु लग्नको वर्गोत्तमास पर्ने सो परिषद्ले जनाएको छ।यसैबीच यमपञ्चकको दोस्रो दिन आज सोमबार घरघरमा कुकुर तिहार मनाइँदै छ। इमानदार पहरेदार जन्तुका रूपमा परापूवकालदेखि परिचित कुकुरलाई वर्षा एकपटक आजको दिन यमदूतका रूपमा पूजा गर्ने चलन छ।

संविधानसभाको निर्वाचन भएको ६ महिना बितिसक्दा पनि संविधान निर्माण प्रक्रिया प्रारम्भ नभएको स्थितिलाई कसरी लिनुभएको छ ?
देशको राजनीतिक स्थिति जसरी विकसित हुँदै गएको छ त्यो हिसाबले भन्नुपर्दा तोकिएको समयमा संविधान निर्माणको संभावना छैन र अब ठोकेरै भन्न सकिन्छ, निर्धारित समयमा संविधान बन्दैन निर्धारित समयमा संविधान नबने पछिको स्थिति स्वाभाविक रुपमा राम्रो हुने छैन ।
किन त्यस्तो सम्भावना छैन ?
राजनीतिक स्थिति एकपछि अर्का गरी जटिल बन्दै गएको छ । प्रजातन्त्र उग्रवामपन्थकरण भएको छ र त्यो प्रक्रिया तीव्र रुपमा बढेको छ । प्रजातान्त्रिक शक्तिमाथि प्रहार भएको अहिले आएर प्रजातन्त्रमा विश्वास गर्ने दलहरुले बुझ्न थालेका छन् । जुन कुरा राप्रपा नेपालले पहिलेदेखि भन्दै आएको हो । स्थिति जसरी जटिल बन्दै गएको छ, त्यसले गर्दार् संविधान निर्धारित समयमा नबन्ने निश्चित नै भएको छ ।
सहज राजनीतिक स्थितिका लागि के गर्नुपर्छ त ?
प्रस्ट रुपमा हाम्रो पार्टी भन्दै आएको हो कि यो मुलुकमा राजासहितको प्रजातन्त्र जरुरी छ । अन्ततः राजासहितको प्रजातन्त्रका लागि अन्य पार्टीत्र होइन माओवादी तयार हुने मेरो विश्व्स छ । आज राष्ट्र अल्पकालीन दुघटनातर्फजाँदै छ । भन्न पनि मन लाग्दैन तर स्थिति यस्तँ बन्दै गएको छ कि बढ्दै गएको उग्रवामपन्थकरण रोक्ने हो भने पुनः द्वन्द्व प्राम्भ हुन्छ या देश नै विखण्डन हुन सक्छ ।
यस्तो स्थितिमा राप्रपा नेपालले के गर्छ ?
राप्रपा नेपाल देशलाई अनिष्टबाट जोगाउन प्रभावकारी कदम चाल्ने पक्षमा छ । आगामी मंसिर १ गतेदेखि नै देशव्यापी क्षेत्रीय भेला र सभाहरु गर्ने, आगामी पुस २७ गते पृथ्वी जयन्तीका दिनदेखि गोरखाबाट देशव्यापी रुपमा राष्ट्रिय एकता अभियान सञ्चालन गर्ने गरी पार्टी तयारी गरिरहेको छ ।

ऐतिहासिक भूमिकामा मंगल पाण्डेमा अभिनय गरिसकेका आमिर खान अब भारतीय कालजयी गायक किशोर कुमारको भूमिकामा देखापर्ने भएका छन् । पर्सेप्ट पिक्चर्स कम्पनीले किशोर कुमारको जीवनीमाथि फिल्म बनाउन लागेको हो र उक्त भूमिकामा कम्पनीले आमिरसँग प्रस्ताव राखिसकेको छ । किशोर कुमारलाई एकदम सम्मान गर्ने अभिनेता आमिर अहिले स्क्रिप्ट पढिरहेका छन् । स्क्रिप्ट पढेपछि आमिरबाट सकारात्मक जवाफ पाउनेमा कम्पनी आश्वस्त बनेको छ । ‘मलाई किशोर कुमारको भूमिकामा अभिनय गर्ने प्रस्ताव आएको साँचो हो, तर यसबारे म पूरा स्क्रिप्ट नपढी कुनै निर्णय गर्न सक्दिनँ,’ आमिरले भने ।अहिले राजकुमार हिरानीको ‘थ्री इडियटस्’मा अभिनय गरिरहेका आमिरको नयाँ फिल्म ‘गजिनी’ केही महिनामै रिलिज हुने तरखरमा छ । आमिर पछिल्लो समयमा आफ्नो ब्लगसाइटका कारण चर्चामा थिए । उनी लामो समयपछि फेरि ब्लगमा फर्किएका छन् । लामो समयको ग्यापपछि ब्लगमा फर्किएका आमिरले आफ्नो साइटमा लेखेका छन्, ‘केही दिनअघि मेरो रात निकै खराब रह्यो । रात-दिनको लामो कामपछि म रातको तीन बजे सुत्न खोज्दै थिएँ, मेरो कानमा केही चिजले टोक्यो, त्यसपछि पेट, घाँटी, खुट्टा सबैतिर त्यसले मलाई टोक्यो, सुरुमा मैले सहेरै बसेँ तर, एकछिनपछि त्यो दुखाइ यति बढ्यो कि म ब्युँझिन बाध्य भएँ । उठेर हेर्दा खाटभरि कमिला फैलिएका थिए ।’आमिरको खाटमा केही होइन सयौँ कमिला जम्मा भइसकेका थिए । आधाभन्दा बढी कमिला उनको शरीरमा उक्लिसकेका थिए । त्यसपछि उनी खाटमा उफ्रेर सिधै बाथरुम गई नुहाउन बाध्य भएका थिए । त्यति धेरै कमिला कहाँबाट कसरी जम्मा भए ? आमिरलाई अचम्म लागेको छ । उनले ठट्टा गर्दै लेखेका छन्, ‘सायद कमिला गुलियो चिज खोज्दै खाटमा आएका थिए, जब कि गुलियो चिज अर्थात् मेरी श्रीमती किरण त्यो रात सुटिङले गर्दा मसँग थिइनन्, कमिलाले मलाई नै किरण ठानेको हो कि ?’ब्लगको दुनियाँदेखि लामो समय अलग रहेकामा उनले आफ्ना प्रशंसकहरूसँग माफी मागेका छन् । ‘पिठ्युँमा पिटिनयोग्य मान्छे भएको छु म,’ उनले पछुतो गरेका छन् ।

हिन्दूहरुको दोस्रो ठूलो चाड तिहार आजदेखि सुरु भएको छ ।प्रत्येक वर्षो कात्तिक कृष्ण त्रयोदशीदेखि कात्तिक शुक्ल द्वितीयासम्म पाच दिन मनाइने भएकाले तिहारलाइ यमपञ्चक पनि भन्ने गरिन्छ ।तिहारको पहिलो दिन कागको, दोस्रो दिन कुकुरको, तेस्रो दिन बिहान गाईको पूजा गरिन्छ भने साँझ लक्ष्मीको पूजा तथा दिपावली गरिन्छ ।

त्यस्तै तिहारको चौथो दिन गोबर्द्धन पूजा र पाँचौ दिन भाइटीका लगाएर तिहार सकिन्छ ।तिहर अवधिभरी देउसी भैलो खेलेर शुभकामना आदानप्रदान तथा रमाइलो गर्ने गरिन्छ । तिहारको बेलामा रमाइलोका लागि जुवातास खेल्ने परम्परा पनि रहेको छ ।तिहारको पहिलो दिन आज काग तिहार भएकोले आज कागको पूजा गरिदैछ ।

कागलाई सन्देशबाहक पंक्षीका रुपमा सम्मान गर्दै कागको पूजा गर्ने गरिएको पुराणमा उल्लेख छ ।आज अहिले विहान कागको पूजा गरी मीठो खान दिएमा पुण्य प्राप्ति हुने धार्मिक मान्यताअनुसार कागको पुजा गरीदैछ । काग तिहारकै दिन पारेर आज भक्तपुरको सल्लाघारीमा काग सम्मेलन गरीदै छ ।सबैभन्दा धेरै चराहरुको आवज निकालेर गिनिज बुकमा नाम लेखाउनुभएका गौतम सापकोटाले काग सम्मेलन गर्न लाग्नु भएको हो । 

सरकारले शनिबार १७ जना सचिवको सरुवा गरेको छ। जुनसुकै समयमा पनि कर्मचारीलाई सरुवा गर्नका लागि सजिलो पार्न नियमावली नै संशोधन गरेको वर्तमान सरकारले लोकसेवा आयोगको स्वीकृतिबिना पनि निरन्तरता दिँदै आएकोमा एकै पटक यति ठूलो संख्यामा सचिवको सरुवा गरेको हो।
लोकसेवा आयोगको अपूणाताका कारण सचिव नियुक्त गर्न नसकेको सरकारले विगत डेढ वर्षेखि खाली रहँदै आएका सचिवविहीन निकायमा २० जनालाई कायममुकायम मर्ुकर्रर गरेको छ।
भर्खरै मात्र गृह मन्त्रालयबाट प्रधानमन्त्री तथा मन्त्रिपरिषद् कार्यालयमा सरुवा गरिएका उमेश मैनाली र प्रधानमन्त्री कार्यालयबाट सामान्य प्रशासन मन्त्रालयमा सरुवा गरिएका दीपेन्द्रविक्रम थापालाई क्रमशः वातावरण मन्त्रालय र शिक्षा मन्त्रालयमा सरुवा गरिएको छ।
मैनाली र थापासँगै सरुवा गरिएर गृह मन्त्रालयमा ल्याइएका डा. गोविन्द कुसुमलगायत सरकारले अहिले रहेका १९ जना सचिवमध्ये भूमिसुधार मन्त्रालय र जलस्रोत मन्त्रालयका सचिवको सरुवा गरेको छैन।
सरुवा गरिएका सचिवहरूमा जनकलाल जोशीलाई आपूर्ति मन्त्रँलयबाट राष्ट्रिय योजना आयोगमा, युवराज पाण्डेलाई सूचना तथा सञ्चार मन्त्रालयबाट श्रम तथा यातायात व्यवस्था मन्त्रालयमा र रामचन्द्रमान सिंहलाई प्रधानमन्त्री तथा मन्त्रिपरिषद् कार्यालयबाट पर्यटन मन्त्रालयमा सरुवा गरिएको छ।
यसै गरी पुण्यप्रसाद न्यौपानेलाई महिला, बालबालिका तथा समाजकल्याण मन्त्रालयबाट स्थानीय विकास मन्त्रालयमा, श्यामप्रसाद मैनालीलाई श्रम मन्त्रालयबाट युवा मन्त्रालयमा, बालानन्द पौडेललाई शिक्षा मन्त्रालयबाट सामान्य प्रशासन मन्त्रालयमा, लीलामणि पौडेललाई पर्यटन मन्त्रालयबाट सूचना तथा सञ्चार मन्त्रालयमा, शंकरप्रसाद पाण्डेलाई युवा मन्त्रालयबाट प्रधानमन्त्री तथा मन्त्रिपरिषद् कार्यालयमा, बिन्द्रा हाडालाई प्रधानमन्त्री तथा मन्त्रिपरिषद् कार्यालयबाट महिला, बालबालिका तथा समाजकल्याण मन्त्रालयमा सरुवा गरिएको छ।
त्यस्तै डा. उदयराज शर्मालाई नेपाल ट्रस्टको कार्यालयबाट वन तथा भूसंरक्षण मन्त्रालयमा, गंगादत्त अवस्थीलाई स्थानीय विकास मन्त्रालयबाट प्रधानमन्त्री तथा मन्त्रिपरिषद् कार्यालयमा, अनिन्द्रकुमार श्रेष्ठलाई पुनर्निर्माण मन्त्रालयबाट महालेखा नियन्त्रकको कार्यालयमा र राष्ट्रिय र्सतर्कता केन्द्रका छविराज पन्तलाई पुनर्निर्माण मन्त्रालयमा सरुवा गरिएको छ।
सहसचिवलाई कार्यकारी प्रमुखको जिम्मेवारी दिइँदै आएको काठमाडौं महानगरपालिकामा सचिवलाई जिम्मेवारी दिइने गरी नारायणगोपाल मलेगोलाई कामु सचिव बनाई सरुवा गरिएको छ। त्यस्तै राष्ट्रिय सूचना आयोग र सरकारले भर्खरै गठन गरेको प्रशासन सुधार आयोगमा पनि सचिवको जिम्मेवारी दिइने गरी कायममुकायम तोक्ने निर्णय गरिएको छ।
प्रधानमन्त्री निवास बालुवाटारमा बसेको मन्त्रिपरिषद् बैठकले सेना समायोजनका लागि काम गर्न विशेष समिति र सरकार सञ्चालनका लागि मार्गनिर्देश गर्न उच्चस्तरीय संयन्त्र निर्माण गर्ने बताइएको भए पनि त्यस विषयमा कुनै निर्णयगरिएन।

अन्तर्राष्ट्रिय बजारमा पेट्रोलियम पदार्थको घट्दो मूल्यका कारण नेपाल आयल निगमले आइतबारदेखि लागू हुने गरी पेट्रोल र हवाई इन्धनको मूल्य घटाउने निर्णयगरेको छ। गत अक्टोबर १६ को मूल्यसूचीअनुसार निगमलाई पेट्रोलमा प्रतिलिटर १६ रुपियाँ ६७ पैसा र हवाई इन्धनमा २८ रुपियाँ नाफा रहेको छ।

अन्तर्राष्ट्रिय बजारमा अहिले पनि लगातार कच्चा तेलको मूल्य घटिरहेका कारण निगमले एकातिर सरकारी र अर्कातिर उपभोक्ताको समेत दबाबका कारण मूल्य केही घटाएको हो।
निगम सञ्चालक समितिको शनिबार बसेको आपत्कालीन बैठकले पेट्रोलमा ५ रुपियाँ घटाएर काठमाडौंमा प्रतिलिटर खुद्रा मूल्य ९५ रुपियाँ कायम गरेको छ भने हवाई इन्धनमा अन्तर्राष्ट्रिय उडानतर्फप्रतिकिलोलिटरमा १ सय डलर मूल्य घटाएर प्रतिकिलोलिटर १ हजार ४ सय डलर कायम गरिएको छ।

अन्तर्राष्ट्रिय उडानतर्फो हवाई इन्धनको मूल्य छिमेकी मुलुक भारतको कोलकातामा १ हजार १० डलर रहेको छ।डिजलमा भने विगतमा कायम गरिएको दोहोरो मूल्यलाई हटाएर प्रतिलिटर ७० रुपियाँ कायम गरिएको छ। विगतमा डिजलको मूल्य प्रतिलिटर ७० रुपियाँ नै भए पनि खुला बजारको नाम दिएर निगमले ८० रुपियाँमा समेत बिक्री गरेको थियो। आइतबारदेखि डिजलको दोहोरो मूल्य कटौती गरेर एउटै मूल्य कायम गरिएको छ।
अन्तर्राष्ट्रिय बजारमा कच्चा तेलको मूल्य आउँदो डिसेम्बर महिनाको डेलिभरीको लागि यतिखेर ६२ डलरमा झरेको छ। वाणिज्य तथा आपूर्तिमन्त्री राजेन्द्र महतोका अनुसार पेट्रोलमा घटाइएको मूल्यपछि अझै पनि निगमलाई प्रतिलिटरमा १२ रुपियाँ नाफा रहेको छ। तर उहाँले पेट्रोल र हवाई इन्धनको मूल्य घटाउँदा पनि निगमलाई अझै नाफाको स्थिति रहेको उल्लेख गर्नुभयो।
आउँदो नोभेम्बर १ मा इन्डियन आयल निगमबाट नयाँ मूल्यसूची आउँदा सबै किसिमका पेट्रोलियम पदार्थहरू -डिजेल, ग्यास, मट्टीतेल, पेट्रोल र हवाई इन्धन) को अझै भारी मात्रामा घट्ने सम्भावना रहेको छ। निगमले अन्तर्राष्ट्रिय बजारमा मूल्य घटेको अवसर छोपेर अन्तर्राष्ट्रिय बजारमा घटेको अवस्थामा घट्ने बढेको अवस्थामा बढ्ने संयन्त्र निर्माण गर्ने तयारी गरिरहेको छ।
निगमका कार्यकारी निर्देशक दिगम्बर झाका अनुसार नयाँ मूल्य आएपछि खाना पकाउने ग्यासको मूल्यसमेत समायोजन गरिनेछ। गत अक्टोबर १ को मूल्यअनुसार निगमलाई खाना पकाउने ग्यासमा प्रतिसिलिन्डर ३ सय ४७ रुपियाँ नोक्सानी छ।