राष्ट्रपतिका लागि भएको दोश्रो चुनावको मतदान सकिएको छ । साउन ६ गते बिहान ८ बजेदेखि ११ बजेसम्म भएको चुनावमा ५९० मत परेको छ । पहिलो चुनावमा ५७८ मत मात्र परेको थियो । राष्ट्रपति चुनावका लागि ५९४ मतदाता छन् ।
पहिलो चुनाव बहिष्कार गरेकामध्ये ४ मत रहेको कमल थापा अध्यक्ष रहेको राप्रपा नेपालले मात्र दोश्रो चुनाव बहिष्कार गरेको छ । पहिलो चुनावमा बहिष्कार गरेका ५ मत रहेको नेपाल मजदुर किसान पार्टी ४ मत रहेको राष्ट्रिय जनमोर्चा र २ मत रहेको एकिकृतले आजको चुनावमा मतदान गरेका छन् तथा उनीहरु सबैले नेपाली कांग्रेस गठन्धनका उमेदवार डा. रामवरण यादवको पक्षमा मतदान गर्ने घोषणा मतदान हुनुअघि नै गरिसकेका थिए । पहिलो चुनावमा बिदेशमा रहेका कारण अनुपस्थित नेपाली कांग्रेसकी आरजू देउवा राणाले पनि आज मतदान गरेकी छिन् ।

संविधान सभामा अहिले रहेको ५ सय ९४ को स्पष्ट बहुमतका लागी २ सय ९८ मत आबश्यक पर्नेछ । यसअघि अस्ती शनिवार भएको मतदानमा कांग्रेसका उम्मेद्वार डाक्टर यादवले २ सय ८३ र माओवादीका तर्फा उम्मेद्वार सिंहले २ सय ७० मत ल्याउनु भएको थियो ।

आज यसअघि बहिष्कार गरेकार केहि दलहरुले पनि मतदान गर्ने भएपछि अस्तीको भन्दा आज मतको संख्या भने बढ्नेछ । उपराष्ट्रपतिमा भने मधेशी जनअधिकार फोरमका तर्फाट उम्मेदवार परमानन्द झा विजयी भइसक्नु भएको छ । यसअघि राष्ट्रपतिमा आ-आफ्ना उम्मेद्वारलाई जिताउन आज बिहानै दलहरुले छलफल गरेका छन् । त्यस्तै मधेसि जनअधिकार फोरमले गठबन्धन भन्दा बाहिर नजान आफ्ना सभासदहरुलाई निर्देशन दिएको छ ।

आज बिहानको आन्तरिक छलफलमा त्यस्तो निर्देशन दिएको फोरमका अध्यक्ष उपेन्द्र यादवले जानकारी दिनुभयो । यसैविच अस्ती मतदान बहिष्कार गरेको मजदुर किसान पार्टी लगायत केहि दलहरुले आजको मतदानमा भाग लिने भएका छन् ।मतदान बहिष्कार गरेका मजदुर किसान पार्टी, राष्ट्रिय जनमोर्चा लगायतका दलहरुले नेपाली कांग्रेसका तर्फा उम्मेद्वार डाक्टर यादवलाई दिने भएका छन् ।