एक दुइ दिनमै नयां सरकार गठन हुने
नेकपा माओवादीका अध्यक्ष प्रचण्डले एक दुइ दिनमै नयां सरकार गठन हुने बताएका छन् । १२ असारमा प्रधानमन्त्री गिरिजाप्रसाद कोइरालाले राजीनामा घोषणा गरेपछि उनले नयां सरकार गठनको ढोका खुलेको बताए । प्रधानमन्त्रीको राजीनामा सकारात्मक भन्दै नयां सरकार सहमति र सहकार्यको धरातलमा उभिएर गठन गर्ने बताए । नेपाली कांग्रेसलाई समेत साथमा लिएर सरकार गठन गर्न पहल गर्ने उनको भनाई थियो । सरकार गठनका लागि अन्य दलसंग छलफल अघि बढाइएको बताए ।
यसअघि प्रधानमन्त्री गिरिजाप्रसाद कोइरालाले सहमति र सहकार्यमा जोड दिएका थिए । उनले आफू माइनस भएरैभएपनि सहमति र सहकार्यका लागि जोड गरिरहने बताएका थिए ।