धनगढीमा प्रहरी र स्थानीयवासीबीच झडप, तीन जनाको मृत्यु
|
धनगढीमा प्रहरी र स्थानीयवासीबीच झडप हुंदा तीन जनाको मृत्यु भएको छ । १५ जेठमा भएको घटनामा कैलालीको उर्मा गाविसका जगराम चौधरी, रामवृक्ष राना र अर्का एक जनाको मृत्यु भएको हो । माओवादीले पत्रकार लक्की चौधरीमाथि हातपात गरेकोबारे जिल्ला प्रशासन कार्यालयमा छलफल भइरहदा उर्मा गाविसका बासिन्दाले जिल्ला प्रशासन कार्यालयमा तोडफोड गर्न थालेपछि प्रहरीले गोली चलाएको थियो । घटनामा छ जना घाइते भएका छन् । स्थिति नियन्त्रणमा लिन स्थानीय प्रशासनले धनगढी नगरपालिकामा कर्फयु आदेश जारी गरेको छ । |