डेमोक्रेटिक पार्टीका तर्फबाट अमेरिकी राष्ट्रपति पदको उम्मेदवारी छनोट चरणमा सहभागी बराक ओबामालाई तीन महत्वपूर्ण हस्ती र संगठनहरुले समर्थन गरेका छन् । उनलाई पूर्व कंग्रेस सदस्य लीहेमिल्टन, नेसनल युनियन अफ हस्पिटल र हेल्थ केयर एम्प्याइजको समर्थन प्राप्त भएको हो । उक्त समर्थनबाट उनलाई पेन्सिलभानियाको प्राइमरी चुनावमा अग्रस्थानमा रहेकी प्रतिद्वन्द्वी डेमोक्रेट हिलारी रोद्याम क्लिन्टनको मत दुरीलाई कम गरेको छ । दुवै उम्मेदवार बुधबार अमेरिकी उत्तरपूर्वी राज्यमा अर्थव्यवस्था र नयाँ रोजगारीबारे आ-आफ्नो वाचा गर्ने होडमा युनियनहरुको र्समर्थन पाउने प्रयासमा लागेका थिए । कुनै बेला अमेरिकाको स्टिल नगरी ठानिएको पिटर्रबर्गमा हिलारीले मुलुकमा ७ अर्ब डलर बराबराको नयाँ रोजगारी सिर्जना गर्ने वाचा गरेकी थिइन् । वाचा बाँड्ने क्रममै ओवामाले अमेरिकी पूर्व कंग्रेस सदस्य ली हेमिल्टनको समर्थन प्राप्त गर्न सफल भए । उनी इन्डियाना प्रान्तका पूर्व डमोक्रेट प्रतिनिधि हुनुका साथै सेप्टेम्बर ११ मा अमेरिकी आक्रमणको अनुसन्धान गर्न बनाइएको आयोगका शीर्ष सदस्य समेत थिए ।