संविधानसभा सदस्यको निर्वाचन शुरु हुनै लाग्दा राष्ट्रिय निर्वाचन पर्यवेक्षणका लागि म केही दिन राजधानीवाट वाहिरिदै छु । दर्जन वढिको टिमसंगै पश्चिम नेपाल जानुअघि राजधानीको चुनावी सरगर्मी वुझ्ने काम जारी छ । चुनावलाइ माओवादीले अग्नी परिक्षाका रुपमा लिएको छ भने एमाले रणनैतिक चातुर्यताले आफु वहुमतमा पुग्ने दिवा स्वप्नमा छ । कांग्रेसले आफु पुरानो पार्टी र मास पिपल भएको पार्टी भनेर मख्ख छ । कमल थापाको राप्रपा नेपाल राजाका नाममा चुनाव लड्दै छ जसको कुनै राजनैतिक भविष्य नै छैन भनेपनि हुन्छ । चुनावलाइ मर्यादित र स्वस्थ्य वनाउन निर्वाचन आयोग लगायत विभिन्न गैरसरकारी निकायहरु क्रियाशिल छन ।

ल्ाामो राजनैतिक शुन्यतापछि शुरु हुन लागेको निर्वाचन भएर होला सर्वसाधारण नेपाली जनताले चुनावलाइ अत्यन्तै चासो र महत्वका साथ हेरेका छन । निर्वाचन पर्यवेक्षणमा निस्किनु अघि अघिल्लो हप्ता लुम्विनी अन्चलका विभिन्न पहाडी जिल्लाको भ्रमण भएको थियो । यसै सन्दर्भमा गुल्मीमा देखिएको चुनावी चहलपहल र जिपमा यात्रुको तछाड मछाड संझना स्वरुप । साथै गुल्मी सदरमुकाम तम्घास वजार र रेसुङगा डांडाको यो मनोरम दुष्य तपाइका लागि ।