वनेपाका एक सज्जन प्रकाश शाक्यको यसै हप्ता दुखद देहावसान भएको छ । काभ्रे वहुमुखी क्याम्पसका साहायक क्याम्पस प्रमुख समेत रहेका प्रकाश सर कलेजका प्रशासक भन्दा वढि एक सज्जन हुनु हुन्थ्यो । उंहाको देहावसानले वनेपाले एक समाजसेवी, काभ्रे क्याम्पसले एक योग्य प्रशासक र प्राध्यापक राष्ट्रले एक असल नागरिक र मैले व्यक्तिगत रुपमा मलाइ माया गर्ने आदरणीय व्यक्तित्व गुमाएको छु । काम विशेषले यसै हप्ता राजधानी वाहिर रहनु परेकाले यो खवर मेरो कानसम्म ढिलो गरी आइपुग्यो । सोही कलेजकी विद्यार्थी कमला न्यौपानेले मेरो व्लगमा यससम्वन्धी खवर नदेखेपछि खिन्न भएर लेखेको कमेन्ट वक्समा सर हामीले प्रकाश सरलाइ गुमायौ । संभवत राजधानी वाहिर रहेकोले होला तंपाइलाइ यो कुरा थाहा छैन जस्तो छ भनेर दुखका साथ लेखेको त्यो कमेन्ट मैले पुरै पढ्न सकिन ।

प्रकास शाक्य वनेपाजस्तो संकुचित नेवारी समाजवाट अली माथि हुनुहुन्थ्यो । कुनै जमानाका मार्सल आर्टका खेलाडी समेत रहेका प्रकास सर कालक्रममा योग्य व्यवस्थापक मेधावी छात्र र पछिल्लो समय काभ्रे वहुमुखी क्याम्पसका साहायाक क्याम्पस प्रमुख रहनु भएको थियो ।

सरलाइ जे सजिलो लाग्छ- हर केही समस्या लिएर जाने सवैलाइ प्रकास सरको यस्तै मायालु जवाफ हुन्थ्यो । उंहाका यस्तै सहयोगी भावले म पटक पटक कृत कृत भएको छु । कलेजका विद्यार्थी उंहाको मायावाट नतमस्तक थिए । उंहाजस्तो सज्जन व्यक्ति नभएको भए काभ्रे क्याम्पसले यो उचाइ लिन सक्दैनथ्यो होला ।

करिव ४५ वर्षे उमेरका प्रकास सरको गएको २२ गते निधन भयो । आज वेलुका मलाइ कमलाले फोन गरेर जानकारी गराउदा फेरी म वियोगले व्याकुल भएको छु ।

राजधानीवाट वाहिरिनु अघि म प्रकास सरलाइ भेट्न थापाथलीको नर्भिक हस्पिटल पुगेकेा थिए । भेन्टीलेटरमा राखिएका प्रकास सरको हालत अत्यन्त नाजुक थियो । विस्वस्त विवरणहरुका अनुसार प्रकास सरको स्वास्थ्य यति वढि नाजुक हुनुमा चिकित्सकहरुको लापरवाहीको पनि ठुलो हात रहेको थियो । पैसाका लोभी नर्भिकका चिकित्सकले आनावस्यक अप्रेसन र उपचारमा ढिलाइ गरिदिदा सामान्य जन्डिस लागेका प्रकास सरलाइ हामीले समय अगावै गुमाउन पुग्यौ । दैनिक ३६ हजार वेड चार्ज लिने हस्पिटलले समयमै थप उपचारकालागि दिल्ली लैजाने पवरिवारको चाहनामा तगारो हाली दियो । हस्पिटलले वेलैमा जानकारी गराएको भए प्रकास सर संभवत यति छिटै जानुहुन्थेन होला ।

ढिलो चांडो धर्तिमा जन्मिने सवैले विदा लिनुनै छ तैपनि प्रकास सर जस्ता सज्जन व्यत्तिक्तलाइ असमयमै चुडेर लाने मृत्युप्रति मेरो खेद छ । उंहाको तस्विर समेट्ने मेरो योजना प्राविधिक कारण वस सफल भएन । त्यसकालागि क्षमा माग्दै

अलविदा प्रकास सर