तिहारको समाप्तिसंगै यस वर्षका ठुला चाडहरु सकिएका छन । अवका माघेसंक्रान्ति र हरिशयनी एकादशीले ठुला चाडको प्रतिनिधित्व गर्दैनन । तिहार अपेक्षाकृत राम्रै र रमाइलै रह्यो । देशमा शान्ति छाएको समयमा चाडवाडहरु रमाइलै रहन्छन । यद्यपि माओवदी हठ र दलहरुको अकर्मन्यताले छाइसकेका खुशीहरु धुमिल हुदै गइरहेका छन । मुलुक शान्तिमा उन्मत्त हास्छ । नेपाली मन न पर्यो खुशी हुनलाइ केको आइतवार । सिम्प्लसिटिकालागि त नेपालै जाति यार पल पल मिस गरीरहेको छु । हिजो टीका सकेर तास खेल्नै लाग्दा अष्टे्रलीयामा रहेका मित्र अश्विनले फोन गरेर भने ।

तिहार मेरा लागि रमाइलो चाड हो । दशैमा खानापानका कारणले कहिले कांही म दिक्दार पनि हुने गरेको छु । आफु परियो पुर्ण शाकाहारी दशैमा जताततै वली र मासु । खानेवेलामा दुध र भात मात्रै खाएरपनि सुतेको अनुभव छ मसंग । तिहारमा त रोटी, सेल, मिठाइ, फलफुल र मशलाका कारण हामीजस्ता शाकाहारीलाइपनि रमाइलै हुन्छ । हिजोमात्रै नेपाली महावाणिज्य दुतावास अलिपुर कलकत्तामा रहेकी मेरी दिदी नेपाल फर्कनु भयो । दिदी फ्किएपछि तिहारको टीका रमाइलो हुनु स्वभाविकै हो । विहान दिदीको घर ववरमहलमा गएर टीका लगायौ , तास खेल्यौ । विर्घातिर चांही टिका भएनछ । हामी राजधानीवस्नेलाइ खवर नभएका कारण टीका लगाइयो ।

यसपटकको तिहारमा करिव सात हजार रुपैया गुम्यो । एक महिना अघिदेखि तिहारको वाहनामा शंकर भान्जाकोमा तासका खाल जमाएका हामी तिहारको मेसोमा फुल नाइटपनि चलायौ । विगतमा पैसा जित्नमा नाम कहलाएको म अहिले भने नराम्रोसंग हारे । खैर तिहार रमाइलो भयो यसैमा शन्तोष छ । भाइ माधवले विर्घावाट फोन गर्दै थियो अंकल मेरो त सोर्ह हजार पांच सय गयो । अव वाटा खर्च कोसित माग्ने भनेर सोच्दैछु । आफ्नै पिताजीका साथी शुभाखर, वलराम, छने, गणेश र शुन्दरहरुसित जमेको कडुवा केटो किन नहारोस पनि । भाइ विजय घर आइपुगेको रहेछ । दाइ मिस गरीरहेको छु भन्दै थियो । मैले पो कंहा नगरेकेा हो र । आफ्नै घरआंगनमा जस्तो रमाइलो अन्त कंहा हुदो रहेछ र । यो काठमाण्डु मलाइ हर कुरामा कृतिम लाग्छ । तर के गर्नु कामकाजी भएपछि छोड्न नमिल्ने रहेछ । खैर तिहार रमाइलो रहेको सुचना दिन पाउदा म तपाइहरुसंगै वसेजस्तो अनुभव लिइरहेको छु । विजुली पत्र भेज्दै गर्नु होला ।