तिहार आउनै लाग्दा चिसो विस्तारै वढेको छ । काठमाण्डौका केटाकेटीहरुले सांझ पर्न शुरु गरेपछि फ्याट्ट फुट्ट पटका पड्काउन शुरु गरेका छन । तिहारको भैली र देउसुरेका गीतहरु फा्ट्ट फुट्ट वज्न लागेका छन । काठमाण्डौ अझै शान्त छ । दशै मनाउन गांउ गएका हरु अझै भित्रीइसकेका छैनन । विद्यार्थीहरुको पठन पाठन तिहारपछि शुरु हुन्छ । कतिपय आफ्ना दिदी वहिनीको हातवाट टिका थाप्न तिहारमा घर जाने जोहोमा छन । परम्परादेखि तिहारलाइ रसरंगको चाड मानिएको छ । कोजाग्रत पुर्णीमा देखि जुवा फुकेको वहानामा कतिपयहरु तासका खालमा जमेका छन । जाडो शुरु हुन लागेकाले होला, पारखीहरु हल्का मदिरामा झुमेका देखिन्छन । काठमाण्डौ वहुरुपी छ । कहिले आन्दोलनको मुडमा त कहिले रमझममा रहनु काठमाण्डौको खानदानी परम्परा हो । कहिले शान्त तलाउ वा कहिले पुषमै गर्मा गर्म काठमाण्डौको राजनीतिको नियति पनि हो । माओवदीले गणतन्त्रको घोषणा गर्नु पर्ने प्रस्ताव दर्ता गराएदेखि शुरु भएको संसदको विशेष अधिवेशन जारी छ । अधिवेशनले केही पारित गर्ला या नगर्ला तर र, राजनीतिक वहसलाइ भने यो प्रस्तावले विषय दिएको छ ।

शरद निख्रनै लागेको यो मौषम, तस्विरमा देखिएको रोमान्चकता भन्दा कम छैन । वांकी अर्को भागमा