मादक काठमाण्डौको मातेको सलाम
३१ भदौ, काठमाण्डौ । भदौ निख्रनै लाग्दा काठमाण्डौको मौषम मादक वन्दै गएको छ । आज वर्षा ऋतुको अन्तिम दिन पनि हो । भोली वाट यो माटोमा शरदले राज गर्ने छ । यसैपनि शरद ऋतुहरुको राजा नै मानिन्छ । हिलो मैलो हट्ने मात्र होइन हरियालीको मनमोहकता पनि यसै माषमा देख्न सकिन्छ । यति वेला पारखीहरुकालागि पनि उपयुक्त समय हो रे मेरा पियक्कड मित्र हरी दाजु भन्छन खेतानको चिसो पक्डेपनि हुने व्लु रिवन्डमा तातो पानी हालेपनि हुने । म चिसोको एलर्जी हुनेका लागि पनि ठिकै हो । अव हट कफीको सिजन शुरु भएको छ । करै गरे कोक फेन्टा लिएपनि हुने नत्र कफीको स्वादले पनि गर्मी नवनाउने यस्तो मौषम वर्ष दिनभरीमा अरुवेला फेला पर्दै पर्दैन ।
म रहेको वुद्धनगरको यो चारा तल्ला माथि मेरी आमाले पुषमा मकै भुट्दा जस्तै आवाज निकालेर कमप्युटरका की वोर्डवाट साथीहरुले आवाज निकाली रहेका छन । म भने यसो कफीको निंहुमा घुम्न पाए हुन्थ्यो भन्दै दाउ हेर्दै छु । यो सिजनमा घाम ढल्कदै गर्दा मोटरवाइकमा गोदावरी सम्म या चोभारसम्म पुगेर कफी लिनुको स्वाद कम अल्हादित हुदैन । यी गुल्जार वस्तीवाट अलिकता मात्र पर पुग्नुको मजा पनि वेग्लै । यतिवेला निला फुल्ने शिरिषहरु हरिया पातहरुले ढाकिएका छन । माटोमा प्रकृतिको वास्ना मिसिएको छ । दशैको हाराहारीले होला खल्तीपनि खासै हलुङगो छैन । मौषम न तातो छ न चिसो नै । जकेटै लगाइदिएपनि गर्मी हुदैन । हाफ सर्टमा हिडेपनि चिसो छैन । घाम घरी लाग्छ घरी घुम्टो लुकाउछ । वादलका फोकाहरु अनेक आकारमा आउदै विलाउदै गरेका छन ।
मित्र रमेशले पोखरावाट फोन गरेर केही खड्केको छ की भन्दा मैले मोटरवाइकको पछिल्लो खाली सिट वाहेक केही पनि खट्केको छैन त्यसै भनेको होइन । के गर्ने मोषमै मादक छ । वमे उर्फ अश्विनले च्याटमा अझैपनि खाली हो – भन्दा कंहा अझैसम्म हुनु यार भनेर गफ लगाउनुमा यही मौषमकै दम छ । भरी हुनेले पनि पुर्ण महसुस गर्दैन खाली हुनेले पनि एक्लो महशुस गर्दैन । मित्र कुमारले सर मंसिरसम्म त हतियार व्यवस्थापन गर्नु पर्छ है भन्दा म जोशिएरै हतियार त क्यान्टोनमेन्टमा थन्किइ सक्यो भनेर यो मौषमको साथ नभएको भए जवाफ दिन सक्दिनथे हुंला ।
दशैको सामान भन्दै तातेपानी नाकावाट कन्टेनरहरु पुरा लोडका साथ काठमाण्डौमा छिरेका छन । सं साझै झरीको डरले घर फिर्नेहरु गुंड विर्सिएर अलि ढिला मुकाम फिर्न लागेका छन । कलेज ड्रेस लगाउनेहरुपनि मिस नेपालको रिहर्सलमा लागे जस्ता देखिएका छन । तीजले शुरु गरेको रातो श्रृंखला तिहारमा नगइ ओझेल पर्ला जस्तो छैन । शाखा अधिकृत विज्ञापनहुन लाग्यो भनेर जीवनको मजा भुलेका पढैयाहरुपनि पर्सीवाट लागु हुन लागेको आचारसंहिता पछि फुर्सदिला वनेका छन ।
यो मादकतामा पर्यटकहरु हुलका हुल काठमाण्डौ छिरेका छन । अव पर्यटक मौषम शूरु भएर होला ठमेलका क्याफेहरुमा खुट्टो हाल्ने ठांउ छैन । यतिवेलाको काठमाण्डौ गोधुलीमा देखिएको यो शान्त तलाउ भन्दा अलि वढि मादक छ । यो मिस गरेका हरुकालागि संझना गर्दै मादक काठमाण्डौको मातेको सलाम ।
